BBC-гээс хоёр жил тутамд зохион байгуулдаг дуурийн дуучдын “Cardiff Singer of the World” уралдаант шалгаруулалтын шилдэг 20 дуучны нэрсийг Лондон хотод хоёрдугаар сарын 24 ны өдөр зарлалаа.

Энэхүү тэмцээнд УДБЭТ-ын гоцлол дуучин МУГЖ Э.Амартүвшин амжилттай оролцож шилдэг хорин дуучны нэг болоод байна.

Шилдэг дуучдын тоонд Монголоос гадна Уэлс, Франц, Итали, Малта, Норвеги, АНУ, Өмнөд Солонгос, Беларусь, Украйн, Турк, ӨАБНУ-ын дуучид багтсан юм.

Энэхүү тэмцээнд нийт 350 орчим уран бүтээлч оролцсон байна. Авъяастнуудыг хайх уралдаант шалгаруулалт өнгөрсөн жилээс эхэлсэн бөгөөд гурван шүүгч есөн хотод ажиллаж шилдгүүдийг шалгаруулжээ.

Энэхүү тэмцээний сүүлийн шатны шалгаруулалт Сайнт Дэвид Холлд зургадугаар сарын 14-21-ний хооронд болно.