Налайхын бичил уурхай руу нүүрс олборлохоор орсон 20 настай залуу агаар дутагдсанаас амиа алдсан харамсалтай хэрэг уржигдар гарлаа.

Уул уурхайн аврах албаныханд 10.10 цагт дуудлага өгсөн бөгөөд талийгаачийг 100 метрийн гүнээс гаргасан байна. Осол гарсан уурхайн ам нь налайхынхний нэрлэж заншсанаар Оросын нуур гэдэг газарт байдаг бөгөөд Золжаргал гэдэг хүний эзэмшлийнх гэнэ.

Амиа алдсан залуу тус дүүргийн III хороонд амьдардаг юм байна. Нүүрс олборлох үед зургуул байсан аж. Налайх дүүргийн мэргэжлийн хяналт, цагдаагийн ажилтнууд осол гарсан газарт ажиллаж, эл уурхайн цахилгааныг таслаж, амыг битүүлжээ. Урин дулааны улиралд яагаад хүмүүс ажиллаж байсан талаар Уул уурхайн аврах албаны салааны дарга Д.Пүрэвсүрэнгээс тодруулахад “Эндхийн нүүрсийг тоосгоны үйлдвэрт ашигладаг болохоор хүмүүс улирал харгалзахг үй нууцаар ажилладаг” гэв.

2004-2009 онд 125 хүн амь насаа алдаж, 287 иргэн эрүүл мэндээрээ хохирсон бол 2010-2013 онд 61 хүн бурхны оронд оджээ.

“Буян Налайх” захын ойролцоо нэг шуудай нүүрсийг 6000 төгрөгөөр байнга худалддаг гэнэ. Нийслэлийн Засаг дарга Э.Бат-Үүл Налайхын уурхайд хүмүүс амиа алдах явдал тасрахгүй байгаа тул өнгөрсөн жилийн тавдугаар сард захирамж гаргаж, тус уурхайг хааж, улмаар уурхайн амнуудыг дарж булахад нөөц хөрөнг өнөөсөө 55.6 сая төгрөг зарцуулсан.

Өнөө жил ч энэ захирамж хэрэгжиж буй. Тухайн үед налайхчуудыг хоолноос нь салгалаа хэмээн шүүмжлэл дагуулаад байсан эл шийдвэр нь олон хүн амиа алдах эрсдэлийг бууруулж буй. Учир нь Налайхын уурхайд осол гарч жилд 10-17 эрдэнэт хүн амиа алддаг байсан юм.

Тоймловол, 2004-2009 онд 125 хүн амь насаа алдаж, 287 иргэн эрүүл мэндээрээ хохирсон бол 2010-2013 онд 61 хүн бурхны оронд оджээ. Амиа алдагсдын дийлэнх нь 15-35 насныхан бөгөөд ослын шалтгаан нь хөрсний нуралт, агаарын дутагдлаас үүдэлтэй байсан аж. Тэгвэл он гарснаас хойш дээрх тохиолдлыг оруулаад хоёр хүн амиа алдсан бол уулын аврах ангийнхан 27 хүнийг аварчээ.