Засгийн газраас цахилгаан, дулаан, усны хэрэглээний төлбөрийг ирэх оны долоодугаар сарын 1-нийг хүртэл тэглэсэнтэй холбоотой эрчим хүчний хэрэглээ огцом нэмэгдсэн бол усны хэрэглээ ямар түвшинд байгааг Ус сувгийн удирдах газраас тодрууллаа. 

Усны үнийг тэглэсэн Засгийн газрын тогтоол гарснаас хойш 3-4 хоног өнгөрөхөд нийслэлчүүдийн хэрэглээнд ямар ч өөрчлөлт ороогүй. Улаанбаатар хот хоногт 145-155 мянган шоо метр ус хэрэглэдэг. Хэрэглээ энэ түвшиндээ байгаа.  

Мөн нийслэлийн хэмжээнд хоногт 160 мянган шоо метр бохир ус татан зайлуулдаг. Ачаалал хэвийн түвшиндээ байна гэж УСУГ-ын Олон нийттэй харилцах мэргэжилтэн Т.Солонго мэдээллээ.