• Монголын CSGO-ын шигшээ баг Азийн аварга шалгаруулах тэмцээнээс дэд байр эзэллээ
• Тэд шигшээ багуудын дэлхийн аварга шалгаруулах тэмцээд оролцох эрхтэй боллоо
• "IESF World Esports Championship 2023"-ын CSGO төрлийн тэмцээн нь B-Tier түвшинд хамаарна

Монголын CSGO-ын шигшээ баг шигшээ багуудын дэлхийн аварга шалгаруулах тэмцээн буюу "IESF World Esports Championship 2023"-т Ази тивийг төлөөлөн оролцоно.

Тэд шигшээ багуудын Азийн аварга шалгаруулах тэмцээн буюу "IESF Asian Championship 2023"-д дэд байр эзэлснээр ийнхүү ДАШТ-т оролцох эрхээ авсан юм.

Австрали, Пакистан, Палестин, Индонезын шигшээ багуудыг хожиж финалд шалгарсан Монголын шигшээ баг Узбекистаны шигшээ багт 2-0 (Mirage 16-13, Ancient 16-10) харьцаагаар хожигдсон.

• Монголын Mobile Legends-ын шигшээ баг Азийн аваргад дэд байр эзэллээ
• Монголын Dota 2-ын шигшээ баг ДАШТ-д оролцоно
• Монголын CSGO-ын аваргаар "The MongolZ" тодорлоо

Узбекистаны шигшээ багийг "TT Team" багийн тоглогчид бүрдүүлж байгаа бол монголын шигшээ багийг "Team NKT" багийн Г.Есөнтөмөр /nin9/, М.Азбаяр /Senzu/, "Atox" багийн О.Ялалт /yAmi/, Б.Баатархүү /Bart4k/, Э.Билгүүнбат /kaz/ нар бүрдүүлж байна.

International Esports Federation (IESF) буюу Олон улсын электрон спортын холбооноос электрон спортуудын ДАШТ-ийг 15 дахь удаагаа зохион байгуулна. Энэ удаагийн наадам Румын улсын Яш хотод найм болон есдүгээр саруудыг дамнан болно.

Тус наадмын CSGO төрлийн тэмцээн нь B-Tier түвшинд хамаарах бөгөөд түрүүлсэн баг 50 мянган ам.доллар авна. Монголын шигшээ баг өнгөрсөн жилийн тэмцээнээс мөнгөн медаль хүртэж байсан. Харин энэ жил илүү хэцүү өрсөлдөгчид тэднийг хүлээж байна. Тодруулбал,

• Германы шигшээ багийг "BIG" багийн бүрэлдэхүүн
• Румын шигшээ багт "NaVi" багийн iM, "Team Falcons" багийн lauNX
• Өнгөрсөн жилийн аварга Умард Македоны шигшээ багт "Apeks" багийн CacaNito
• Данийн шигшээ багт "Astralis" багийн Xyp9x, R0nic, "Monte" багийн br0, "ECSTATIC" багийн Patti
• Шведийн шигшээ багт "Ninjas in Pyjamas" багийн Brollan, "GamerLegion" багийн isak
• АНУ-ын шигшээ багт "Evil Geniuses" багийн junior, Jeorge, RUSH нар багтаж байгаа юм.

Наймдугаар сарын 25-д эхлэх тэмцээн 24 орны тамирчид мэргэнээ сорино.