• Aфрик тивийн аварга шалгаруулах тэмцээний шигшээ 16 шатны тоглолтууд эхэллээ
• Хасагдах шатны эхний хоёр тоглолт болов
• Нигери Камеруныг, Ангол Намибийг хожлоо

Африкийн хөл бөмбөгийн холбооноос зохиодог тивийн аварга шалгаруулах тэмцээн "Africa Cup of Nations" буюу "AFCON 2023"-ын шигшээ 16 шатны тоглолтууд өнгөрсөн шөнө эхэллээ.

"А" хэсгийн дэд байр "Супер бүргэдүүд" хочит Нигери улсын шигшээ баг Адемола Лүүкмэний хоёр гоолоор "Арслангууд" хочит Камеруныг 2-0 харьцаагаар хожлоо. "C" хэсэгт дэд байр эзэлсэн Камерунчууд 2021 оны AFCON-д хүрэл медаль хүртсэн амжилтаа ахиулж чадсангүй.

• AFCON: Тунис тэмцээнээс хасагдаж Намиби цааш шалгарав
• AFCON: Алжирын шигшээ баг Африкийн цомоос хасагдлаа
• AFCON: Нигери биш Экваторын Гвиней, Египет биш Кабо-Верде хэсгээ тэргүүллээ

Харин "D" хэсгийг нэг ч хожигдолгүй тэргүүлсэн Анголын шигшээ баг "E" хэсгийн 3-р байр Намиби улсын шигшээ багийг 3-0 харьцаагаар хожсон байна. Тоглолтын эхний гоолыг Катарын "Аль Вакрах" клубийн довтлогч Желсон Дала оруулсан бол үлдсэн хоёр гоолыг Египетийн лигийн довтлогч Мабулулу оруулжээ.

Ийнхүү шөвгийн наймд хүчирхэг Нигеригийн шигшээ баг тэмцээн эхэлснээс хойш нэг ч хожигдоогүй байгаа Анголыг шигшээ багтай тоглохоор боллоо.

Өнөө шөнө Экваторын Гвиней - Гвиней, Египет - Ардчилсан Конго улсын тоглолтууд болно. Одоогоор Экваторын Гвиней улсын шигшээ багийн довтлогч Эмилио Нсүэ 5 гоолтой мэргэн буучдын жагсаалтыг тэргүүлж байгаа бол Анголын шигшээ багийн довтлогч Желсон Дала 4 гоолтой удаалж байна.