Өнөөдөр буюу арваннэгдүгээр сарын 14-нд чихрийн шижин өвчинтэй тэмцэх дэлхийн өдөр тохиож байна.  

Халдварт бус өвчин, осол гэмтлийн шалтгаан ба эрсдэлт хүчин зүйлсийн тархалтын Үндэсний IV судалгаагаар Монгол Улсын 15-69 насны хүн амын Биеийн жингийн индекс (БЖИ)-ийн дундаж 25.5 кг/м² байгаа нь ДЭМБ-ын зөвлөсөн хэвийн хэмжээ (18.5–24.9)-нээс хэтэрсэн үзүүлэлт юм.

Нийт хүн амын 49.4 хувь нь илүүдэл жин ба таргалалттай байна.

• Төрөх насны эмэгтэйчүүдийн 53 хувь,
• Жирэмсэн эмэгтэйчүүдийн 65.4 хувь,
• 15-49 насны эрэгтэйчүүдийн 57.4 хувь нь илүүдэл жин, таргалалттай байна.

Таргалалт нь чихрийн шижингийн гол эрсдэлт хүчин зүйлсийн нэг. Иймд БЖИ хэвийн хэмжээнээс хэтэрсэн бол жингээ бууруулах, хянах арга хэмжээг цаг алдахгүй авч хэрэгжүүлэх нь зайлшгүй чухал юм. Та доорх хүснэгтээс өөрийн чихрийн шижингийн эрсдэлээ үнэлээрэй.

Хэрэв таны үнэлгээ:

• 5-аас бага бол эрүүл амьдралын хэв маягаа хэвшүүлэх,
• 5 болон түүнээс их бол харьяа эрүүл мэндийн төвдөө хандах, эрүүл амьдралын хэв маягт суралцах, дадуулах арга хэмжээг авч хэрэгжүүлэхийг НЭМҮТ-ээс зөвлөлөө.