ДОЛООГИЙН ДАВААНД: 

Дархан аварга Н.Батсуурь Улсын харцага О.Мөнх-Эрдэнийг амлаж, Улсын арслан Э.Батмагнай Улсын үнэн зоригт харцага Б.Зоригтбаатартай тунаж барилдахаар боллоо. 

Улсын арслан Э.Батмагнай Улсын үнэн зоригт харцага Б.Зоригтбаатарт өвдөг шороодлоо. Улсын харцага О.Мөнх-Эрдэнэ Дархан аварга Н.Батсууриар долоо давж, үзүүр түрүүнд үлдлээ. Наймын даваанд улсын харцага О.Мөнх-Эрдэнэ түрүүлж, Улсын харцага Б.Зоригтбаатар үзүүрлэлээ. 

ЗУРГААГИЙН ДАВААНД:  /Давсан бөхийн нэрийг цэнхрээр/

• Дархан аварга Н.Батсуурь- Улсын заан Н.Жаргалбаярыг
• Улсын арсан Ц.Бямба-Отгон- Улсын харцага О.Мөнх-Эрдэнийг
• Улсын арслан Э.Батмагнай-  Улсын заан Д.Алтанцоожийг
• Улсын заан Д.Хүдэрбулга-Улсын харцага Б.Зоригтбаатарыг амлан авлаа.

Эрин зууны бахархал Эрдэнэт хот байгуулагдсаны 50 жилийн ойн баяр наадам хоёр дахь өдрөө үргэлжилж байна. Түүхт ойн хүчит бөхийн барилдаанд Гавьяат тамирчин, Дархан аварга Н.Батсуурь, Улсын арслан Ц.Содномдорж, Э.Оюунболд, Ц.Бямба-Отгон, Э.Батмагнай, Улсын гарьд М.Лхагвагэрэл тэргүүтэй хүчит 256 бөх барилдаж байна.
Бөхийн барилдааны тавын даваа эхэлж байна. Тавын даваанд: /давсан бөхийн нэрийг цэнхрээр/

• Дархан аварга Н.Батсуурь- Улсын харцага Т.Баасанхүүг
• Улсын арслан Ц.Содномдорж- Улсын заан Н.Жаргалбаярыг
• Улсын арслан Э.Оюунболд- Улсын заан Д.Алтанцоожийг
• Улсын арслан Э.Батмагнай- Улсын харцага Д.Ганхуягийг
• Улсын арслан Ц.Бямба-Отгон- Улсын заан Д.Анарыг
• Улсын гарди М.Лхагвагэрэл- Улсын харцага О.Мөнх-Эрдэнийг
• Улсын заан Д.Хүдэрбулга- Улсын заан Л.Энхсаруулыг
• Улсын заан С.Сүхбат- Улсын харцага Б.Зоригтбаатарыг амлан авлаа. 

Хүчит бөхийн барилдаанд түрүүлсэн бөхийг хоёрөрөөр орон сууц, авто машинаар байлна. Мөн ойн баяр наадмын хурдан морьдын түрүү болон сур, шагайн харвааны түрүүг автомашинаар байлна. Шагналын санг орон нутгийн төсвөөс гадна Эрдэнэт хотын уугуул бизнес эрхлэгч, залуучууд ивээн тэтгэсэн байна. Тухайлбал Эрдэнэт үйлдвэрийн анхны захирал, Хөдөлмөрийн баатар Ш.Отгонбилэг агсны хүү О.Содбилэг "Петровис" ХХК-ийн нэрийн өмнөөс хурдан морины нэг насны түрүүг автомашинаар шагнаж буй юм.