Монгол Улсын Ерөнхий сайд Г.Занданшатар Хөвсгөл аймагт ажиллаж ажиллах үеэрээ 21 аймаг, нийслэл, 300 гаруй сум, дүүргийн удирдлагуудад мэдээлэл өгөх хуралд оролцжээ.

Энэхүү хурлаар Засгийн газраас 2026 онд баримтлах бодлого, чиглэл болон “Эдийн засгийн сэргэлтийг эрчимжүүлж, үр өгөөжийг бодитоор хүргэх 300 хоногийн ажлын төлөвлөгөө”-г танилцуулж, орон нутгийн удирдлагуудад үүрэг чиглэл өгөв.

Ерөнхий сайд Г.Занданшатар " Эдийн засгийн өсөлтийн үр өгөөжийг иргэдэд хүртээмжтэй хүргэж орлого, амьжиргааг хамгаалах, бизнесийн таатай орчныг бүрдүүлэх, төрийн оролцоог оновчлох, макро эдийн засгийн тогтвортой өсөлтийг дэмжихэд чиглэсэн арга хэмжээний төлөвлөгөөг хэрэгжүүлэхэд орон нутгийн удирдлагууд санаачилгатай ажиллах ёстой гэв.

Цахим хурал дөрвөн өдөр үргэлжлэх бөгөөд өнөөдөр буюу 2026 оны нэгдүгээр сарын 5-нд ЗГХЭГ, АҮЭБЯ, БОУАӨЯ, ХХААХҮЯ салбарын бодлого, чиглэлээ танилцуулж, мэдээлэл хийх аж.

Эх сурвалж: Монгол Улсын Засгийн Газар