Шатахуун түгээх станцууд дутуу шахаж байж магадгүй гэсэн эргэлзээ зарим хэрэглэгчид байдаг. Жишээлбэл, “Приус маркийн машины бензины банк 35 литрийн багтаамжтай. Бензинд дугаарласаар машиных нь шар гэрэл нь ассан жолооч, банкаа дүүргэхэд Приус машинд 45 литр бензин орсон. ШТС-ууд дутуу шахаж байна” гэж нэг иргэн цахим хуудасна бичжээ. 

ШТС-ууд бүрэн шахаж байгаа эсэхэд ямар хяналт тавьдаг гэсэн сэтгүүлчийн асуултад АҮЭБЯ-ны Газрын тосны бодлогын хэрэгжилтийг зохицуулах газрын дарга Ч.Хишигдалай хариулав. 

Тэрбээр, Стандарт хэмжил зүйн газраас ШТС-уудын тохиргоог баталгаажуулдаг. ШТС болгонд 5, 10 литрийн багтаамжтай мерник буюу Стандарт хэмжил зүйн газраас баталгаажуулж, лацадсан хэмжүүр бий.

Хэрэв иргэн дутуу шахаж байна гэж үзвэл тэр хэмжүүрийг авч, түгээгүүрийн хажууд тавиад 5, 10 литрийг авахад дутуу, эсвэл бүрэн шахаж байгаа нь харагдана. Хэрэв дутуу шахаж байвал холбогдох байгууллагад гомдол гаргах бүрэн боломжтой гэв.