Нийслэлд шатахуун түгээх станцуудад өнгөрсөн пүрэв гарагаас эхлэн бага хэмжээний дараалал үүссэн. Цахим орчинд иргэдийн хамгийн өргөн хэрэглэдэг, үнэ хямд энгийн АИ-92 бензиний үнэ 3080 төгрөг болж нэмэгдлээ. ШТС-ууд өчигдөр /2026.01.19/ оройноос эхлэн үнийн самбартаа өөрчлөлт оруулж байна гэсэн мэдээлэл цацаж, олон нийтийг бухимдуулж байна. 

1-р сарын 20-ны өглөөний 08.00 цагийн байдлаар Хан-Уул дүүргийн нутаг дэвсгэр Энхтайваны гүүрний баруун талд байрлах Петровисын ШТС-д АИ-92-ын үнэ хуучин хэвээр буюу 2590 төгрөг байна. Мөн ШТС-д автомашины дараалал үүсээгүй, хэвийн байв.