Хууль зүй, дотоод хэргийн сайд Л.Мөнхбаатар Санхүүгийн зохицуулах хороонд албан бичиг хүргүүлж, “ Ипотекийн даатгалын багц дүрэм”-тэй холбоотой асуудлаар хууль зүйн үндэслэлтэй тайлбар гаргахыг шаардлаа.

Энэхүү бичгийг өмгөөлөгч О.Батхүү болон мэргэжлийн байгууллагуудаас ирүүлсэн гомдлын дагуу хүргүүлжээ. Даатгалын салбарын зохицуулалтад зарим хууль зөрчсөн, бүрэн эрхэд халдсан асуудал байгааг хөндсөн байна. 

Тухайлбал, “Даатгалын багц дүрэм”-ээр өмгөөлөгчийг даатгалын зуучлагч байж болохгүй гэж заасан нь Үндсэн хууль болон өмгөөлөгчийн эрх зүйн байдлыг тодорхойлсон хуулиудтай зөрчилдөж болзошгүй гэж үзжээ.

Сайдын зүгээс холбогдох хуулиудын хүрээнд СЗХ-ны дүрмийг дахин хянах, үндэслэлтэй тайлбар гаргах, шаардлагатай бол зохицуулалтад өөрчлөлт оруулахыг анхааруулсан байна.