Монгол Улсад хөрөнгө оруулалт хийх сонирхолтой компаниудад уян хатан нөхцөлтэй зээл олгохоор гурван тэрбум ам.доллар төсөвлөөд байгаа гэж Их Британийн Парламентын гишүүн, Монгол Улсыг хариуцсан Худалдааны элч Даниел Кочинский мэдээллээ.

Мөн тэрбээр Их Британийн бизнесийн төлөөллүүдийн хамтаар энэ онд Монголд дахин ирэхээр төлөвлөж байгаа юм байна. Одоогоор Их Британи болон Монгол Улсын худалдааны эргэлт хангалтгүй байгааг МҮХАҮТ-ын Ерөнхийлөгч О.Амартүвшин онцолж байна.

Тухайлбал: Монгол Улс 2021 онд Их Британид 10 сая ам.доллартой тэнцэх мал аж ахуйн бүтээгдэхүүн экспортолсон аж. Харин Их Британиас 40 сая ам.доллартой тэнцэхүйц үнийн дүн бүхий эм, эмнэлгийн хэрэгсэл, төмөр замын эд анги зэрэг бараа, бүтээгдэхүүн импортолсон байна.

М.Аминаа