Дэлхийн түүхэд наймдугаар сарын 6-д болсон онцлох гурван үйл явдлыг танилцуулъя.

1945 оны наймдугаар сарын 6. Хирошима хотод атомын бөмбөг дэлбэлэв

Хүн төрөлхтний бүтээсэн хамгийн хөнөөлт зэвсэг болох атомын бөмбөгийг эзэмшсэн анхны орон АНУ болсон. Тэд дэлхийн хоёрдугаар дайны үеэр 1945 оны наймдугаар сарын 6-д Японы Хирошима хотод бөмбөг унагасан бөгөөд дэлбэрэлтийн шууд нөлөөгөөр 80 мянга, дам нөлөөгөөр 60 мянган хүн амь үрэгджээ.

1996 оны наймдугаар сарын 6. Ангараг гарагт амьдрал байж болох шинж тэмдэг олов

NASA болон Стэнфордын их сургуулийн эрдэмтэд 12 жилийн өмнө Антарктид тивээс олсон солирын үлдэгдлийг судалсны эцэст Ангараг гараг дээр амьдралын ямар нэг хэлбэр байж болох шинж тэмдэг олсноо 1996 оны наймдугаар сарын 6-д зарлажээ.

2012 оны наймдугаар сарын 6. Curiosity хайгуулч робот Ангарагт газардав

Ангараг гаргийн "Gale" тогоог судлах зорилготой NASA-гийн Curiosity хайгуулч роботыг 2011 оны арваннэгдүгээр сарын 26-д дэлхийгээс хөөргөжээ. Робот 2012 оны наймдугаар сарын 6-д улаан гаргийн гадаргад хүрсэн бөгөөд одоог хүртэл идэвхтэй ажиллаж байна.