Дорноговь аймгийн Сайншанд сумын нутагт энэ сарын 3-4нд шилжих шөнө хүчтэй аадар бороо орсны улмаас Данзанравжаагийн түүхийн музейн үзмэр усанд автжээ. Усанд автсан үзмэрийн хохирлыг тогтоох ажил явагдаж эхэлсэн байна.

Тус аймгийн Засаг даргын захирамжийн дагуу ажлын хэсэг томилогдсон аж. Түүхийн музейд Данзанравжаагийн тав дахь тахилч Г.Түдэвийн тоймлосноор нэг зуу гаруй төрлийн 500 орчим нэрийн эд өлгийн зүйл, 800 орчим судар, алт болон гуулин шармал 40-50 орчим бурхад хадгалагддаг аж.

Музейн үнэт үзмэр усанд автах болсон шалтгаан нь тус музейд сүүлийн жилүүдэд засвар хийгээгүй мөн дээврийн зарим хэсэг хууларсан байснаас болсон хэмээн эх сурвалж өгүүллээ.

А.Лхагважав