Засгийн газрын Хяналт хэрэгжүүлэх газрын дарга Ч.Өнөрбаяр өнөөдөр хэвлэлийн хурал хийв.

Тэрээр “Өнгөрсөн оны төгсгөлд Дархан-Уул аймагт иргэдийн санал гомдлын дагуу хяналт шалгалтын ажиллагаа хийгдсэн. Ноцтой зөрчлүүд илэрсэн. Мөн бусад аймаг, төрийн өмчит газруудад зөрчлүүд байна.

Засгийн газрын хурлаар Ерөнхий сайдын чиглэл өгсний дагуу эрчим хүчний асуудлыг шалгахад эрчим хүч, цахилгааны үнэ 30-89 хувиар нэмэгдсэн байсан. Жил бүр эрчим хүчний хэрэглээ 10-12 хувьтай нэмэгдэж байгаа.

Зөвшөөрөл олгодог хүнд суртлын улмаас цаашид эрчим хүчний салбарыг шинэчлэх, өөрчлөх шаардлага байна. Хамтарсан Засгийн газрын бодлогод эрчим хүчний шинэ эх үүсвэр барина гэсэн. Гэвч цахилгаан холбуулах зөвшөөрлийн асуудал, хүнд суртлыг устгахгүйгээр цааш явах боломжгүй юм. Үүнийг судалж, Засгийн газрын хуралдаанд танилцуулна гэлээ.

Баянхонгор аймагт УИХ-ын нэр бүхий гишүүдээс ирсэн гомдол саналын дагуу шалгахад хэд хэдэн газрын дарга нарыг хууль зөрчин томилжээ.

Засгийн газрын харьяа байгууллагууд, бусад аймгуудад шалгалт хийгдэж байна.Төрийн албаны хууль, бусад хууль тогтоомжийг мөрдөж ажиллах, хууль дээдлэх зарчмаар ажиллах, хууль зөрчсөн байгууллага, төрийн албан хаагчдын засаж залруулах нь бидний үүрэг юм.