Хичээлийн шинэ жил эхэлж төвлөрөл үүсч, хүйтэн сэрүүний улирал эхэлсэнтэй холбоотойгоор томуу болон томуу төст өвчин дэлгэрдэг. Үүнээс сэргийлэх найдвартай арга бол вакцин юм.

Томуугийн эсрэг вакцин өрхийн эмнэлгүүдээр хийж эхэлсэн бөгөөд ахмад настан, 6 сартайгаас 5 насны хүүхэд, жирэмсэн эхчүүд, эмнэлгийн ажилтнууд үнэ төлбөргүй хамрагдана.

Вакцин хийлгэснээр нэг жилийн турш дархлаа тогтож өвчнөөс сэргийлнэ. Ханиадны улмаас нас барсан хүүхдүүдийн ихэнх нь улирлын томуугийн вакциныг хийлгээгүй байдаг аж. Судалгаанаас үзэхэд 10 хүн тутмын 7 нь амны хаалт зүүснээр халдвараас урьдчилэн сэргийлж чадна гэж үзжээ.

Мөн харъяа дүүргийнхээ эрүүл мэндийн төвийн гаргасан хуваарийн дагуу 2-5 насны хүүхэддээ шээсний болон шимэгч хорхойн өндөг илрүүлэх шинжилгээ үнэ төлбөргүй хийлгээрэй.

Эх сурвалж: Нийслэлийн эрүүл мэндийн газар