АНУ-ын ерөнхийлөгч Дональд Трамп Мексик, Канадын бараанд 25 хувийн татвар ногдуулах шийдвэр гаргасан нь мягмар гаргаас хэрэгжих байв.

Харин Мексик, Канадын талаас хилийн аюулгүй байдлыг чангатгаж, мансууруулах бодис хулгайгаар нэвтрүүлэхтэй тэмцэх арга хэмжээ авна гэж мэдэгдсэний дараа Трамп уг шийдвэрээ сарын хугацаанд зогсоохоор болжээ.

Тодруулбал Канад улс фентанил бодисын хяналт шалгалтыг сайжруулах бол Мексик улс АНУ-тай хиллэх хил рүү 10 мянган цэргээ илгээж, хууль бус цагаачид нэвтрэхээс сэргийлнэ гэсэн байна.

Канадын ерөнхий сайд Жастин Трюдо хил орчимд гарч буй хууль бус үйлдлүүдтэй тэмцэхэд зориулан 1.3 тэрбум ам.долларын төлөвлөгөө хэрэгжүүлэхээр бэлтгэж байгаа аж. 

Энэ талаар Трамп "Гарч буй үр дүнд маш сэтгэл хангалуун байна" хэмээн цахим сүлжээндээ нийтэлжээ. 

Харин Хятадын бараанд 10 хувийн татвар ногдуулах шийдвэр хэвээр байна.

Трамп олон сая хүний аминд хүрч буй хууль бус фентанил мансууруулах бодисыг АНУ-д нэвтрүүлэх боломж олгож буй шалтгаанаар Канад, Мексик, Хятад улсуудын импортын татварыг нэмэх шийдвэр гаргасан юм. 

Эх сурвалж: Reuters