Хүний хөгжил, нийгмийн бодлогын байнгын хорооны хурлаар Эрхтэн, эд, эс шилжүүлэн суулгах тухай хуулийн төсөл болон хамт өргөн мэдүүлсэн төслүүдийг хэлэлцэж байна.

Хэлэлцэж буй асуудалтай холбоотойгоор байнгын хорооны гишүүд асуулт асууж байна. Энэ үеэр Ажлын хэсгийн ахлагч Б.Баярбаатар дараах мэдээллийг өглөө. 

Тэрбээр "Амьгүй буюу тархины үхэлтэй донорын зөвшөөрлийг хуульд зохицуулж өгсөн. Өмнө нь гэр бүлийн гурав хүртэлх гишүүн зөвшөөрвөл гэж тусгасан байсан. Өөрөөр хэлбэл нэг гишүүн ч зөвшөөрч болно. 

Одоо бол хуульд гурван хүний зөвшөөрлийг авна гээд яг заасан байгаа. Нөгөө талаар иргэд амьд сэрүүндээ би донор болно гээд И-Монголиагаар ороод бүртгүүлэх боломж нээгдэж байгаа.

Одоогийн байдлаар 6500 орчим хүн донор болох бүртгэлээ авчихсан байна" гэв. 

Түүнчлэн тархи нь үхсэн ч бусад эрхтэн нь ажиллагаатай байгаа бол амьгүй донор гэж нэрлэх нь зөв үү гэсэн асуултад "Тархины үхэл нь биологийн үхэл. Дэлхий нийтээр мөрдөж буй хэллэг.

Тархиндаа гэмтэл авсан хүн 2-3 минутын дараа амьсгал, зүрх нь зогсдог. Үүнийг эмийн аргаар ажиллуулж байж донор болгох үйл ажиллагааг явуулдаг" гэсэн мэдээллийг ажлын хэсгээс өгөв. 

ШУУД ҮЗЭХ: