ФОТО: Хөвсгөл нуур

2020 оны долоодугаар сард бэлтгэсэн фото мэдээг та бүхэнд дахин хүргэж байна.

Хөвсгөл далай нь уртаараа 136 км, өргөнөөрөө 35 км сунан байрласан Монгол улсын хамгийн гүн, хамгийн цэнгэг, хамгийн их эзлэхүүнтэй нуур юм. Нийт 2760 км/кв талбайг хамран 380 км3 ус багтаасан Далай ээжид 40 орчим гол цутгаж, ганцхан гол эх аван урсдаг нь Эгийн гол билээ.

Модон хүй, Хадан хүй, Далайн хүй гэх гурван аралтай ба хамгийн том нь Далайн хүй арал. Өмнө нь Хатгал, хойно нь Ханх гэх усан замын боомт бүхий тосгон байх агаад зун цагт усан тээвэр хийдэг. Хөвсгөл нуур нь Монгол орны цэнгэг усны 70, дэлхийн цэнгэг усны 0.4 хувийг эзэлдэг байна.

2020 оны долоодугаар сард бэлтгэсэн фото мэдээг та бүхэнд дахин хүргэж байна.

Хөвсгөл далай нь уртаараа 136 км, өргөнөөрөө 35 км сунан байрласан Монгол улсын хамгийн гүн, хамгийн цэнгэг, хамгийн их эзлэхүүнтэй нуур юм. Нийт 2760 км/кв талбайг хамран 380 км3 ус багтаасан Далай ээжид 40 орчим гол цутгаж, ганцхан гол эх аван урсдаг нь Эгийн гол билээ.

Модон хүй, Хадан хүй, Далайн хүй гэх гурван аралтай ба хамгийн том нь Далайн хүй арал. Өмнө нь Хатгал, хойно нь Ханх гэх усан замын боомт бүхий тосгон байх агаад зун цагт усан тээвэр хийдэг. Хөвсгөл нуур нь Монгол орны цэнгэг усны 70, дэлхийн цэнгэг усны 0.4 хувийг эзэлдэг байна.

Хөвсгөл нуурын баруун эрэг, Харуул занги

Нуураас эх аван урсдаг Эгийн гол

Хөвсгөл гэдэг үг нь түрэг хэлээр Көп Су Көл буюу "Их Устай Нуур" гэсэн үг бөгөөд монголчууд эрт дээр үеэс Ариг ус хэмээн нэрлэдэг байжээ.

Хөвсгөл нуурын ой сав бүхий цогцолбор газрыг 1992 онд Тусгай хамгаалалттай газар нутаг болгож, байгалийн цогцолборт газрын ангилалд оруулсан байна. Далайн ай савд 60 гаруй зүйлийн хөхтөн амьтан, 250 орчим зүйлийн шувуу, 12 зүйийн загас, 800 гаруй зүйлийн ургамал байдаг ба нэн ховор вансэмбэрүү, алтан гагнуур зэрэг эмийн ургамлууд ургадаг аж.

Хөвсгөл гэдэг үг нь түрэг хэлээр Көп Су Көл буюу "Их Устай Нуур" гэсэн үг бөгөөд монголчууд эрт дээр үеэс Ариг ус хэмээн нэрлэдэг байжээ.

Хөвсгөл нуурын ой сав бүхий цогцолбор газрыг 1992 онд Тусгай хамгаалалттай газар нутаг болгож, байгалийн цогцолборт газрын ангилалд оруулсан байна. Далайн ай савд 60 гаруй зүйлийн хөхтөн амьтан, 250 орчим зүйлийн шувуу, 12 зүйийн загас, 800 гаруй зүйлийн ургамал байдаг ба нэн ховор вансэмбэрүү, алтан гагнуур зэрэг эмийн ургамлууд ургадаг аж.

Хөвсгөл нуурын баруун эрэг, Жанхай

Тунгалаг, цэнгэг устай тул ёроолын чулуу нь туяаран харагдаж, далайн мандлын олон өнгийг үүсгэдэг

Хамгийн гүн хэсэгтээ 260 метр хүрдэг нуурын гадарга өвлийн улиралд 1 метр хүртэл зузаан мөсөөр хучигддаг. Ойролцоогоор 7 сая жилийн өмнө бүрэлдэн тогтсон Хөвсгөл далайн эргийн шугам 414 км үргэлжилдэг байна.

Нуурын тухай олон хууч домог байдгаас далай хэмээх нэрийн учрыг Манж Чин гүрний үеэс эхтэй гэлцдэг. Манжийн татвараас мултрахын тулд нутгийн ард иргэд нуурыг далай хэмээн баталж, 100 гол цутгадаг хэмээн итгүүлсэн тухай хууч яриа бий. Тус домгийг хойч үедээ буруу ойлгуулснаас Хөвсгөл нуурт 100 гол цутгадаг хэмээх ташаа ойлголт иргэдийн дунд байдаг билээ.

Хамгийн гүн хэсэгтээ 260 метр хүрдэг нуурын гадарга өвлийн улиралд 1 метр хүртэл зузаан мөсөөр хучигддаг. Ойролцоогоор 7 сая жилийн өмнө бүрэлдэн тогтсон Хөвсгөл далайн эргийн шугам 414 км үргэлжилдэг байна.

Нуурын тухай олон хууч домог байдгаас далай хэмээх нэрийн учрыг Манж Чин гүрний үеэс эхтэй гэлцдэг. Манжийн татвараас мултрахын тулд нутгийн ард иргэд нуурыг далай хэмээн баталж, 100 гол цутгадаг хэмээн итгүүлсэн тухай хууч яриа бий. Тус домгийг хойч үедээ буруу ойлгуулснаас Хөвсгөл нуурт 100 гол цутгадаг хэмээх ташаа ойлголт иргэдийн дунд байдаг билээ.