Утааны сонсгол болж байна. Сонсголд оролцож буй иргэд холбогдох төрийн алба хаагчдаас асуулт асууж, хариулт авч байна.

Ногоон титэм лабораторийн эрхлэгч н.Алтангадас “Би химич мэргэжилтэй. Нэгдүгээрт, 20-30 мянган зуух тараах гэж байгаа юм байна. Энэ зууханд ямар туршилтууд хийгдсэн бэ, ямар үзүүлэлтээр, аль лабораторид туршилт хийсэн бэ? Энэ зуухнуудыг Өмнөговьд туршсан гэж ойлгосон. Хэрэглэгчийн судалгаа тайлан байгаа юу?

Мөн хөх нүүрс төсөл хэрэгжиж байгаа юм байна. Шинэ зуух, хөх нүүрсийг хэдэн жил ашиглахаар төлөвлөсөн бэ? Нүүрсэн янданг экспортолж байгаа нь экологийн том гэмт хэрэг. Энэ асуудлын талаар хууль эрх зүйн шийдэл бий юу гэдэг асуултад хариулт авъя” гэлээ.  

Нийслэлийн төлөөлөл “Баянгол дүүрэг, Өмнөговь аймагт зуухны тендер зарлагдсан. Тендер дуусаагүй болохоор нэмэлт мэдээлэл өгөх боломжгүй байна.

Хотын дарга Х.Нямбаатар "2030 он хүртэл хатуу түлшийг багасгаад явахаар төлөвлөж байна. Аливаа асуудал санхүүд л тулгуурлана. Тиймээс Засгийн газраас нийслэлд татаас өгөх асуудлыг ярилцаж байна. Сүүлийн жилүүдэд нүүрсэн янданг хууль бусаар Хятад руу гаргаж байгаа асуудал бий. Сүүлд Гаалийн хилээр нүүрсэн янданг гаргахыг хориглосон. Энэ жилээс үзлэг оношилгоонд орж буй машинуудын нүүрсэн яндан дээр төмөр тэмдэглэгээ тавина. Ахин бие биеэндээ солихгүй байхаар зохион байгуулж ажиллаж байна" гэлээ.