УИХ-ын чуулганы үдээс хойших хуралдаан эхэллээ. Хуралдаанд Ерөнхий сайд Л.Оюун-Эрдэнэ оролцож авлига, албан тушаалын гэмт хэрэгтэй тэмцэх чиглэлээр хууль, эрх зүйн орчныг боловсронгуй болгох шинэтгэлийн бодлогын талаар мэдээлэл хийх товтой байна.

УИХ-ын гишүүн О.Цогтгэрэл:

-Авлига нийгмийн бүх салбарт нэвчиж, цэвэрлэх аргагүй болж,  Монгол хүн бүрийг хохироож буйг бид ярьж ирсэн. Авлигаас ангижрахгүйгээр юуг ч өөрчилж, шинэчилж чадахгүй. Гэвч төмөр зам, ЖДҮ, 60 тэрбум, нүүрсний хэрэг, улаан, ногоон, дан давхар зэрэг автобусны асуудлаас эхлээд авлигын хэрэг үргэлжилсээр, хэн ч хариуцлага хүлээгээгүй байна. Засгийн газар учир шалтгааныг олоогүй эсхүл мэдээгүй мэт байхыг хүсэж байна.