Монголын урчуудын эвлэлээс Олон улсын эмэгтэйчүүдийн эрхийг хамгаалах өдөрт зориулан эмэгтэй уран бүтээлчдийн хамтарсан үзэсгэлэнг дэлгэжээ.
Жил бүр уламжлал болгон зохиодог үзэсгэлэнд дүрслэх урлагийн салбарын 90 гаруй уран бүтээлчид нэгдсэн бөгөөд "Надаас, танаас, биднээс эхлэлтэй" уриатай болж байна.
Монголын дүрслэх урлагийн салбарт идэвхтэй бүтээл туурвидаг мэргэжлийн уран бүтээлчдийн гуравны нэг нь эмэгтэй боловч олон улсын биенналь, триенналь наадмуудад харьцангуй өндөр амжилт үзүүлдэг аж.
Үзэсгэлэнд эсгий урлагийн бүтээлээр оролцсон, Урлаг судлалын магистр Саран "Эсгий урлагаар туурвиад 20 гаруй жил болж байна. Эсгий зургийн онцлог нь дахин давтагдашгүй. Түүнийг хуулбарлах боломжгүй. Зөвхөн нэг удаа бүтээдэг.
Харин миний бүтээлийн 3D зураглал, материал, зохиомжийн хувьд ялгарч байна. Энэхүү бүтээлийг таван хошуу малын ноос, ноолуур, дэл сүүлээр урладаг. Монголоос гадна Норвеги, Швед, Герман, Нидерланд зэрэг оронд энэ урлал хөгжсөн" гэв.
Үзэсгэлэн энэ сарын 14-ийг дуустал Монголын урчуудын эвлэлийн үзэсгэлэнгийн танхим болох Арт галерейд байрших юм.
Үзэсгэлэнд "Допамины уналт" тосон будгийн зургаар оролцсон, чөлөөт уран бүтээлч, зураач О.Золбоотөгөлдөр "Зураг дээрх эмэгтэй үзэсгэлэнтэй харагдаж магадгүй. Гэхдээ хүн гаднын хүчин зүйлээс их допамин авдаг бөгөөд нэг дор их хэмжээний допамин ялгаруулахаар эргээд сэтгэл гутралд ордог.
Тиймээс өөрийнхөө сэтгэлийн өвдөлтийг давахын тулд гаднаас допамин авалгүй аливааг тайван байдлаар хүлээж авах тухай утга агуулсан. Допамин гэдэг нь хүнд таашаалын мэдрэмж төрүүлдэг даавар. Энэ зургийг хоёр жилийн турш бодож хэдэн сарын турш бүтээж дууссан" хэмээв.
МУЭ нь өнгөрсөн жил Олон улсын эмэгтэйчүүдийн эрхийг хамгаалах өдрийг тохиолдуулан эвлэлийн 80 жилийн ойн хүрээнд эмэгтэй уран бүтээлчдээр нийгэмд тулгамдаж буй асуудлыг илэрхийлэх зорилготой "Саарал хайрцаг" үзэсгэлэнг гаргаж байсан.
Монголын урчуудын эвлэлээс Олон улсын эмэгтэйчүүдийн эрхийг хамгаалах өдөрт зориулан эмэгтэй уран бүтээлчдийн хамтарсан үзэсгэлэнг дэлгэжээ.
Жил бүр уламжлал болгон зохиодог үзэсгэлэнд дүрслэх урлагийн салбарын 90 гаруй уран бүтээлчид нэгдсэн бөгөөд "Надаас, танаас, биднээс эхлэлтэй" уриатай болж байна.
Монголын дүрслэх урлагийн салбарт идэвхтэй бүтээл туурвидаг мэргэжлийн уран бүтээлчдийн гуравны нэг нь эмэгтэй боловч олон улсын биенналь, триенналь наадмуудад харьцангуй өндөр амжилт үзүүлдэг аж.
Үзэсгэлэнд эсгий урлагийн бүтээлээр оролцсон, Урлаг судлалын магистр Саран "Эсгий урлагаар туурвиад 20 гаруй жил болж байна. Эсгий зургийн онцлог нь дахин давтагдашгүй. Түүнийг хуулбарлах боломжгүй. Зөвхөн нэг удаа бүтээдэг.
Харин миний бүтээлийн 3D зураглал, материал, зохиомжийн хувьд ялгарч байна. Энэхүү бүтээлийг таван хошуу малын ноос, ноолуур, дэл сүүлээр урладаг. Монголоос гадна Норвеги, Швед, Герман, Нидерланд зэрэг оронд энэ урлал хөгжсөн" гэв.
Үзэсгэлэн энэ сарын 14-ийг дуустал Монголын урчуудын эвлэлийн үзэсгэлэнгийн танхим болох Арт галерейд байрших юм.
Үзэсгэлэнд "Допамины уналт" тосон будгийн зургаар оролцсон, чөлөөт уран бүтээлч, зураач О.Золбоотөгөлдөр "Зураг дээрх эмэгтэй үзэсгэлэнтэй харагдаж магадгүй. Гэхдээ хүн гаднын хүчин зүйлээс их допамин авдаг бөгөөд нэг дор их хэмжээний допамин ялгаруулахаар эргээд сэтгэл гутралд ордог.
Тиймээс өөрийнхөө сэтгэлийн өвдөлтийг давахын тулд гаднаас допамин авалгүй аливааг тайван байдлаар хүлээж авах тухай утга агуулсан. Допамин гэдэг нь хүнд таашаалын мэдрэмж төрүүлдэг даавар. Энэ зургийг хоёр жилийн турш бодож хэдэн сарын турш бүтээж дууссан" хэмээв.
МУЭ нь өнгөрсөн жил Олон улсын эмэгтэйчүүдийн эрхийг хамгаалах өдрийг тохиолдуулан эвлэлийн 80 жилийн ойн хүрээнд эмэгтэй уран бүтээлчдээр нийгэмд тулгамдаж буй асуудлыг илэрхийлэх зорилготой "Саарал хайрцаг" үзэсгэлэнг гаргаж байсан.