25 настай Малиа Обама кино бизнест хөл тавьж олон улсын “Sundance” кино наадамд өөрийн бүтээлээ толилуулжээ.

АНУ-ын Ерөнхийлөгч асан 62 настай Барак Обамагийн  25 настай том охин Малиа "Sundance" кино наадамд өөрийн бичиж, найруулсан богино хэмжээний киногоо үзэгчдийн хүртээл болгожээ.  

Түүний Малиа Анн (түүний дунд нэр нь Анн) нэрээр бүтээсэн уг кино төсөл нь "Зүрх" хэмээх нэртэй бөгөөд тус наадамд АНУ-ын богино хэмжээний уран зөгнөлт киноны нэг хэсэг болгон үзүүлжээ.

Энэхүү уран бүтээлд ээжийгээ алдсан хүү гашуудаж буй тухай гардаг бөгөөд ээж нь гэрээслэлдээ ер бусын хүсэлт үлдээсэн байдаг талаар өгүүлдэг аж.

Киноныхоо талаар Малиа хэлэхдээ "Кино нь хүний алдагдсан зүйлс, ганцаардмал хүмүүс, өршөөл, харамслын тухай өгүүлдэг ч эелдэг, ойр дотно байдлаар тэдгээрийг арилгахад багагүй хүчин чармайлт шаарддаг талаар өгүүлнэ. Энэ кино хэн нэгний ганцаардлыг жаахан ч гэсэн нимгэлж, эсвэл ганцаарддаг хүмүүсийн талаар бусад нь эргэцүүлэхэд хүргэнэ гэж найдаж байна” гэжээ.

Малиа өмнө нь "Prime Video"-ийн триллер цуврал "Swarm" киноны зохиолчоор ажиллаж байсан туршлагатай. 2023 оны гуравдугаар сард уг цувралын менежер Жанин Наберс урлагийн нэгэн сэтгүүлд ярилцлага өгөхдөө “Харвардад боловсрол эзэмшсэн Малиа бол олон талын чадвар, мэдрэмжтэйн дээр гайхалтай зохиолч. Тэр үнэхээр урлагийн мэдрэмжтэй нэгэн” хэмээн магтаж байв.

Эх сурвалж: People.com