ФОТО: Ерөнхийлөгч дуут сум тавилаа

Үндэсний сурын нэгдсэн үзүүлэх харваа сурын талбайд эхэллээ. Үзүүлэх харвааны салхийг хагалж н.Даваахүү, Ц.Хүдэрчулуун, Ж.Баттөмөр зэрэг эрхий мэргэн харваачид урианхай, буриад сурын харвааг хийв. Мөн н.Бат-Оргил хэмээх 2 нас 10 сартай бяцхан харваач нум сум харвасан нь наадамчин олныг баясгалаа. Үүний дараа Төрийн тэргүүн сурын талбайд орж ирэхэд эрхий мэргэн харваачид уухайн түрлэг өргөлөө. Ерөнхийлөгч Ц.Элбэгдорж үзүүлэх харвааг нээж сум тавив. Тэрбээр жил бүр хүчит бөхийн нэгийн давааны дараа сум харвадаг уламжлалтай билээ. Түүнийг дагалдан Ерөнхий сайд Ж.Эрдэнэбат, УИХ-ын дарга М.Энхболд болон бусад төрийн албаныхан байлцлаа. Энэхүү үзүүлэх харваа нь наадамчин олонд үндэсний уламжлалт харвааны талаар цогц ойлголт өгдөг ач холбогдолтой билээ.

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын нээлтийг үзэж сонирхсоныхоо дараа үндэсний сурын талбай болон шагайн харвааны асарт Ерөнхийлөгч У.Хүрэлсүх зочиллоо.

Энэ үеэрээ эртний уламжлалын дагуу дуут сумаар харваж үндэсний сурын харвааны алтан зурхай, эрхий мэргэн харваачид, наадамчин олондоо хүндэтгэл үзүүлэв.

Түүнчлэн Бутаны Хаант Улсын Цог Жавхлант Хаан Жигмэ Гэсэр Намжил Ванчук мөн үзүүлэх сум тавилаа.