Сонгодог урлагийн дэлхийн шилдэг бүжигчид, супер одууд Монголд иржээ. Тэд энэ бямба гарагт буюу есдүгээр сарын 14-нд тоглоно.

Тодруулбал

• ОХУ-ын “Марийнский театр”-ын тэргүүн гоцлооч, дэлхийн од Мария Хорева
• ХБНГУ-ын “Штаатс Опера”, АНУ-ын “Американ Балет театр”-ын тэргүүн гоцлооч, дэлхийн од Даниил Симкин
• Казахстан улсын “Астана Опера театр”-ын тэргүүн гоцлооч, дэлхийн од Бахтияр Адамжан
• Унгарын үндэсний театрын тэргүүн гоцлооч Татьяана Мельник
• АНУ-ын Нью Йорк Сити Балет, Аргентиний Театро Колоны тэргүүн гоцлооч Ана София Шеллер
• ОХУ-ын “Марийнский театр”-ын тэргүүн гоцлооч Елена Свинко, гоцлооч Максим Изместьев болон Раманбек Бейшеналиев
• ОХУ-ын “Станиславский, Немирович-Данченко” нэрэмжит театрын гоцлооч Тайга Кодама-Помфрет
• Солонгосын үндэсний балетын 1-р гоцлооч Мин Со Жон энэ сарын 14-ний 14:00, 19:00 цагаас тоглох гэж байна.

ОХУ-ын Марийнский театрын тэргүүн гоцлооч, дэлхийн шилдэг бүжигчдийн нэг Мария Хорева:

Монголд ирсэндээ маш их баяртай байна. Балет бол маш сайхан урлаг. Би үүнийг ажил гэж бодохгүй, үзүүлбэрээрээ үзэгчдэд халуун дулаан энергийг түгээхийг хүсэж байна. Энэ бол бидний хувьд ч маш чухал үйл явдал. Бид үзэгчдэд халуун дулаан энерги өгөхийн сацуу, монголчууд ч мөн бидэнд тийм их гоё мэдрэмж өгөх байх гэж итгэж байна гэсэн юм.