Бельгийн Антверп хотод 3x3 сагсан бөмбөгийн дэлхийн аварга шалгаруулах тэмцээнд оролцож буй Монголын эрэгтэй шигшээ баг хэсгийн шатны гурав дахь тоглолтоо Германы шигшээ багтай хийлээ.

Монголын баг тоглолтын эхнээс алдааны асуудалд орсон ч довтолгоогоо сайн гүйцэтгэж байв. Германы шигшээ багийн алсын зайн шидэлт эхэндээ сайн байсан ч тоглолтын төгсгөлд хэмнэл Монголын талд шилжин эцсийн мөчид Д.Дэлгэрням самбарт тохож 19-15 харьцаагаар Германы хүчирхэг шигшээ багийг хожлоо.

Шигшээ багаас

• А.Ананд - 9 оноо
• Э.Дөлгөөн - 6 оноо
• Д.Дэлгэрням - 4 оноо авсан.

Монголын шигшээ баг B хэсгийн эхний тоглолтод Тайванийг 15-22 харьцаагаар хожиж хоёр дахь тоглолтод Литвид 21-15 харьцаагаар хожигдсон.

Шигшээ баг ийнхүү хэсгээс гарах нь тодорхой болсон бөгөөд дараагийн тоглолтоо 00:25 цагаас Чилийн багтай хийж хэсгээс хоёр эсвэл гуравдугаар байраар гарах эсэхээ шийднэ.