Үндэсний их баяр наадмыг зохион байгуулахтай холбогдуулан Төв цэнгэлдэх хүрээлэнг засаж, шинэчлэх ажлыг эхлүүлсэн. Тухайлбал, Нийслэлийн Засаг дарга бөгөөд Улаанбаатар хотын захирагч Д.Сумъяабазар Төв цэнгэлдэх хүрээлэнгийн үзэгчдийн 10.500 ширхэг сандлыг шинээр сольж буй талаар мэдээлсэн.
Өнөөдөр буюу зургаадугаар сарын 28-ны 15:00 цагийн үед биднийг очиход Төв цэнгэлдэх хүрээлэнгийн талбайн гол хэсэгт наадмын үйл ажиллагааны жагсаалын бэлтгэлийг базааж, нөгөө хэсэгт шинэ сандлуудыг суурилуулж, хана арчиж, шал шүүрдэж, хаашаа ч харсан тун завгүй ажиллацгааж байв.
Бид засвар, шинэчлэлтийн ажил хэдэн хувьтай үргэлжилж буйг мөн засвар шинэчлэлтэд хэчнээн төгрөгийг аль төсвөөс зарцуулж буйг тодруулах гэсэн ч Төв цэнгэлдэх хүрээлэнгийн мэдээлэл өгөх эрх бүхий албан тушаалтнууд нь хуралд явсан тул тайлбар өгөх хүн байсангүй.
Нийслэлийн сургалт, судалгаа, олон нийттэй харилцах газраас мөн эл асуудлаар мэдээлэл авахыг хүсэхэд нэгдсэн журмаар маргаашаас олон нийтэд мэдээлэл хүргэнэ хэмээлээ.
Хотын дарга Д.Сумъяабазар “2014 онд хуучин модон сандлуудыг шинэчилж хүн бүр тусдаа суух боломжтой, хуванцар түшлэгтэй сандлаар сольсон байсан. Тэр цагаас хойш засвар шинэчлэлтийн ажил хийгдээгүй . Харин энэ жил Төв цэнгэлдэх хүрээлэн болон орчны тохижилтыг бүрэн хийж байна. Тохижилтын ажил ирэх долоо хоногт бүрэн дуусна” хэмээн мэдэгдсэн.
Түүнчлэн тэрбээр цахим хаягтаа "Төв цэнгэлдэх хүрээлэнд эрэгтэй 30, эмэгтэй 30 бие засах газрыг шинээр байрлуулж байгаа" гэж бичжээ.
Төв цэнгэлдэх хүрээлэн 105 x 68 м талбайтай бөгөөд 1958 онд байгуулагдсан. Төмөр бетон болон тоосгон холимог хийцтэй бөгөөд 12,500 хүний багтаамжтай.
Үндэсний их баяр наадмыг зохион байгуулахтай холбогдуулан Төв цэнгэлдэх хүрээлэнг засаж, шинэчлэх ажлыг эхлүүлсэн. Тухайлбал, Нийслэлийн Засаг дарга бөгөөд Улаанбаатар хотын захирагч Д.Сумъяабазар Төв цэнгэлдэх хүрээлэнгийн үзэгчдийн 10.500 ширхэг сандлыг шинээр сольж буй талаар мэдээлсэн.
Өнөөдөр буюу зургаадугаар сарын 28-ны 15:00 цагийн үед биднийг очиход Төв цэнгэлдэх хүрээлэнгийн талбайн гол хэсэгт наадмын үйл ажиллагааны жагсаалын бэлтгэлийг базааж, нөгөө хэсэгт шинэ сандлуудыг суурилуулж, хана арчиж, шал шүүрдэж, хаашаа ч харсан тун завгүй ажиллацгааж байв.
Бид засвар, шинэчлэлтийн ажил хэдэн хувьтай үргэлжилж буйг мөн засвар шинэчлэлтэд хэчнээн төгрөгийг аль төсвөөс зарцуулж буйг тодруулах гэсэн ч Төв цэнгэлдэх хүрээлэнгийн мэдээлэл өгөх эрх бүхий албан тушаалтнууд нь хуралд явсан тул тайлбар өгөх хүн байсангүй.
Нийслэлийн сургалт, судалгаа, олон нийттэй харилцах газраас мөн эл асуудлаар мэдээлэл авахыг хүсэхэд нэгдсэн журмаар маргаашаас олон нийтэд мэдээлэл хүргэнэ хэмээлээ.
Хотын дарга Д.Сумъяабазар “2014 онд хуучин модон сандлуудыг шинэчилж хүн бүр тусдаа суух боломжтой, хуванцар түшлэгтэй сандлаар сольсон байсан. Тэр цагаас хойш засвар шинэчлэлтийн ажил хийгдээгүй . Харин энэ жил Төв цэнгэлдэх хүрээлэн болон орчны тохижилтыг бүрэн хийж байна. Тохижилтын ажил ирэх долоо хоногт бүрэн дуусна” хэмээн мэдэгдсэн.
Түүнчлэн тэрбээр цахим хаягтаа "Төв цэнгэлдэх хүрээлэнд эрэгтэй 30, эмэгтэй 30 бие засах газрыг шинээр байрлуулж байгаа" гэж бичжээ.
Төв цэнгэлдэх хүрээлэн 105 x 68 м талбайтай бөгөөд 1958 онд байгуулагдсан. Төмөр бетон болон тоосгон холимог хийцтэй бөгөөд 12,500 хүний багтаамжтай.