-GoGo.mn сайт “Хаачих вэ” аяллын булангийн энэ удаагийн дугаарыг Тайвань орноос бэлтгэлээ-

Тайваньд очсон бол заавал идэж үзэх ёстой зүйлсийн нэг бол Xiaolongbao буюу банш. Тийм ч учраас бид эхний өдрөө дэлхийд 170 гаруй салбартай DingTaiFung хэмээх газрыг зорьсон юм.

4 давхар барилга бүхэлдээ банш идэх гэж ирсэн хүмүүсээр дүүрдэг гэд бод доо...Тайпэй хот дахь энэ салбар нь 4 давхар бөгөөд банш идэх гэж ирсэн хүмүүс нээхээс нь ч өмнө ирж дугаарлан зогсдог.

1958 оноос түүх нь эхэлсэн энэ газар аль ч улсын аль ч салбартаа амт, чанар, үйлчилгээний яг л нэг стандартаа баримталдаг гэдгээрээ онцлог. 1993 онд Нью-Йорк Таймсаас DingTaiFung баншны газрыг дэлхийн хамгийн алдартай 10 рестораны нэгээр нэрлэж байв.

Банш бүр 21 грамм байх стандарттай бөгөөд яг 18 удаа чимхдэг.

Баншны амт, чанараар дэлхийд танигдсан энэ газрыг зорьж ирсэн бол үүдээр нь орж ирээд задгай гал тогоонд банш хэрхэн бэлтгэгдэж байгаа үйл явцыг өөрийн нүдээр харах боломжтой.

Урт өдрийн төгсгөлд алжаал тайлах бүтэн биеийн бариа үнэхээр төгс сонголт биш гэж үү? Бид Forest Spa хэмээх массажны газрыг зорьсон. Бариачдаасаа тусгай шалгалт авч, сонгодог учраас энд хамгийн чадварлаг, туршлагатай хүмүүс ажилладаг гэж ойлгож болно.

Бүтэн биеийн барианд 90 минутын турш ороход 1580 тайвань доллар буюу 160 гаруй мянган төгрөг болсон. Үүнд барианы өмнө ба дараа өгөх цай, амттан, алжаал тайлах шөлний иж бүрдэл мөн багтсан.

Энэ салбарын менежер "Хүмүүст их ажлынх нь дараа тав тухтай, тайвширсан мэдрэмж өгөх зорилготой бөгөөд Монголын жуулчдад ч мөн үйлчилгээгээ хүргэх хүсэлтэй байна" хэмээн онцолж байв.

Аяллын тухай дэлгэрэнгүй бичлэгийг хүлээн авна уу.