Louis Vuitton брэндийн шоунд дуучин Фаррелл Уильямс шинэ коллекцио танилцууллаа.

Хос хувцсаар ижилссэн Рианна, A$AP Rocky болон реппер Жэй-Зи, түүний эхнэр дуучин Бейонсе, жүжигчин, дуучин Зендаяа нарын загварын дүр төрх Louis Vuitton брэндийн 2024 оны хавар зуны танилцуулгын онцгой зүйлсийн нэг байв.

Мөн өнгөрсөн Гэгээн Валентины өдрөөр Louis Vuitton-ын эрэгтэй хувцасны шинэ бүтээгдэхүүний захирлаар томилогдсон Фаррелл Уильямс мэдээж энэхүү үйл ажиллагааны гол хүн байв.

Өдгөө 50 настай "Happiness" дууны уран бүтээлч Фаррелл Францын нэрэмжит брэндэд зориулсан анхны коллекцио танилцуулсан юм. Алдарт уран бүтээлчийн танилцуулга гэдэг утгаараа шоуны үйл ажиллагаа дуу хууртай, тэр дундаа сүмийн найрал дуучдын амьд тоглолттой хоршжээ.

Louis Vuitton-ийн 2024 оны хавар, зуны шоуны нэвтрүүлгийг Youtube-ээр шууд дамжуулсан юм.

Мөн энэ өдрийн онцгой зочдын төлөөлөл Зэндаяа, Бейонсе нар үзэгчдийн урд эгнээнд суусан байлаа.



Тэд гэрэл унтрахаас өмнө ихэд дотно бөгөөд хөгжилтэй яриа өрнүүлж байгаа харагджээ. Харин хөл хүнд Рианна болон A$AP Роки нар хос загварын хувцастай хүрэлцэн иржээ. Fenty Beauty-ийн үүсгэн байгуулагч пиксел алаг хээтэй жинсэн хувцастай байсан бол реппер эр жинсэн хүрэм, карго шорт, дөрвөлжин хээтэй алаг малгай өмсөж энэ төрхөө LV логотой хөвсгөр углааштай хослуулсан байв.

Эх сурвалж: The People