Энэтхэгийн Ченнай хотод дэлхийн шатрын 44-р олимпиадад амжилттай оролцсон Монголын шигшээ багийн тамирчид өнөөдөр эх орондоо ирлээ. 2022 оны долоодугаар сарын 26-наас наймдугаар сарын 10-ны хооронд зохион байгуулсан энэ тэмцээнд манай улсын эрэгтэй багийнхан дэлхийн 187 орны 188 багаас 35-р байр эзэлсэн бол эмэгтэй шигшээ багийнхан 160 орны 162 багаас 15 дугаар байрыг эзэлж, Монголын шатрын түүхэн дэх хамгийн өндөр амжилт үзүүллээ.
Монголын шатрын холбооны ерөнхийлөгч Э.Гурванбаатараар ахлуулсан С.Ган-од дасгалжуулагчтай эрэгтэй шигшээ баг, Ц.Батсайхан дасгалжуулагчтай эмэгтэй шигшээ багийнхнаа Хөшигийн хөндий дэх “Чингис хаан” нисэх буудалд Монголын шатарчид болон тамирчдын ар гэрийнхэн баяр хөөртэй угтав.
Шатрын спортын их мастер, Монголын эмэгтэй шигшээ багийн лидер тоглогчоор нэгдүгээр ширээнд өрсөлдсөн А.Энхтуулаас тэмцээний сэтгэгдлийг нь сонссон юм.
Тэрбээр, Монголын баг тамирчид маань амжилтаа багаараа шинэчлэн тогтоолоо. Олон улсын мастер Т.Мөнхзул дүү маань 3-р ширээндээ амжилттай тоглож, Их мастерын сүүлчийн нормоо биелүүлж Монголын долоо дахь эмэгтэй их мастер боллоо. Дэд мастер Б.Мөнгөнзул дүү маань дөрөвдүгээр ширээнд түрүүлж, Монголын эмэгтэй шатарчдаас анхны алтан медалийг авчирлаа. Миний хувьд нэгдүгээр ширээнд дэлхийн улс бүрийн шилдэг шатарчидтай тоглож, Топ-20 шатарчдад багтсан. Эрэгтэй, эмэгтэй тамирчдын маань аль аль нь хувийн амжилтаа ахиулж, Монголын шатарчид түүхэн амжилт гаргалаа.
-Тэмцээний үеэр Танд Франц улсын шигшээ багийн нэрийн өмнөөс тоглох урилга иржээ. Та ямар шийдвэр гаргах вэ?
-Франц улсын Филидор-Мулхаус мэргэжлийн шатрын клубээс Франц улс болон тус клубын нэрийн өмнөөс тоглох урилга ирсэн. Би шийдвэрээ нэлээд бодож байж гаргана. Есдүгээр сараас өмнө хариу өгөх ёстой гэлээ.
Т.МӨНХЗУЛ: ШАТАР БОЛ ӨӨРТЭЙГЭЭ Л ТЭМЦДЭГ, ӨӨРТЭЙГЭЭ АЖИЛЛАДАГ СПОРТ
Монголын шатрын үндэсний шигшээ багийн гишүүн "Кайсса" клубын тамирчин, Олон улсын мастер Төрмөнхийн Мөнхзул эмэгтэй Их мастер цолны гурав дахь болзлоо биелүүлснээр Эмэгтэй Их мастер цолны болзол хангасан. Т.Мөнхзулын дасгалжуулагчаар түүний аав Дэлхийн шатрын холбооны дасгалжуулагч Д.Төрмөнх ажилладаг. Т.Мөнхзул 2019 онд Ази тивийн аварга шалгаруулах тэмцээнээс Хүрэл медаль авсан бөгөөд энэ амжилт нь одоогийн байдлаар Монголын шатрын түүхэн дэх цорын ганц тивийн чанартай медаль юм. Их мастерийн болзол хангасан чамд баяр хүргэе.
Тэрбээр, Баярлалаа. Их мастерийн хоёр норм надад байсан. Сайн тоглоод Их мастер авъя гэсэн бодолтой байсан. Зорилгодоо хүрсэндээ баяртай байна.
-Шатар тоглохын сайхан нь юу вэ?
-Шатар бол өөртэйгээ л тэмцдэг, өөртэйгээ ажилладаг спорт гэж боддог. Сэтгэлзүйгээ удирдаж сурна. Шатар бол үнэхээр гоё. Тоглох хожил, хожигдол бүгд гоё.
-Аав охин хоёр шатрын спортын багш шавь болон хичээллэжээ. Хэдэн наснаасаа шатраар хичээллэж эхлэв?
-Миний дасгалжуулагч бол аав минь. Би таван наснаасаа эхлэн шатараар хичээллэсэн.
Б.МӨНГӨНЗУЛ: БАГАДАА ААВ, АХ ХОЁРЫНХОО ШАТАР ТОГЛОХЫГ ХАРЖ СУУСААР ШАТАРТ ДУРТАЙ БОЛСОН
Орхон аймгийн “Хангарьд” спорт клубын тамирчин Дэлхийн шатрын холбооны Дэд мастер 17 настай Б.Мөнгөнзул охин дөрөвдүгээр ширээнд түрүүлж, алтан медаль хүртсэн Монголын анхны эмэгтэй тамирчин болсон билээ.
-Дэлхийн шатрын олимпиадад анх удаа оролцож, Алтан медалийн эзэн болсон чамд баяр хүргэе. Тэмцээний сэтгэгдлээ хуваалцаач?
-Баярлалаа. Би эхлээд нэлээд сандарсан. Миний хувьд багийн тэмцээнд оролцож байсан боловч ийм чансаа өндөр том тэмцээнд багаараа оролцож үзээгүй учир эхний өрөгтөө маш их сандарсан. Сүүлдээ гайгүй болсон.
-Хэддүгээр өрөгийн ямар тоглолт хамгийн хэцүү байв?
-Миний хувьд нийт 11 өрөгөөс 10 тоглож, нэг хожигдож, нэг өнжсөн. Гуравдугаар өрөгөөс хойш хүндэрч эхэлсэн, яагаад гэвэл багаараа хожоод дээшээ гарч ирсэн учир. Ерөнхийдөө бүх өрөг хэцүү байсан даа. Дөрөвдүгээр өрөгт би Германы их мастертай тоглохдоо гараанаас эхлэн муу байрлал авч явсаар хожигдсон. Цаана нь олон өрөг байгаа учир энэ хожигдлоо мартах хэрэгтэй, ганц өөрийгөө биш багаа бодож тоглох ёстой гэж маш их хичээж тоглосон.
-Медалийн төлөө тоглох сүүлийн өрөг хүнд байв уу?
-Алтан медалийн төлөөх тоглолт гэдгээ аль болох бодохгүй, зөвхөн тоглолтдоо анхаарсан. Шатар тоглохдоо сэтгэлзүйн хувьд хамгийн тайван байж, чөлөөтэй сэтгэн бодож оновчтой нүүдлээ хийдэг.
Б.Мөнгөнзул: Шатар тоглохдоо сэтгэлзүйн хувьд хамгийн тайван байж, чөлөөтэй сэтгэн бодож оновчтой нүүдлээ хийдэг.
-Дараагийн тэмцээн нь хэзээ вэ?
-Есдүгээр сард болох өсвөрийн шатарчдын дэлхийн аварга шалгаруулах тэмцээнд оролцоно.
-Шатрын спортыг яагаад сонирхох болсон бэ? Цэцэрлэгт байхаасаа шатар тоглож эхэлсэн гэж сонссон.
-Би зургаан хүүхэдтэй айлын гурав дахь нь. Шатар тоглож эхлэхэд миний аав, ах хоёр их нөлөөлсөн. Бидний багад манай аав, ах хоёр гэртээ өдөр болгон шатар тоглодог байсан. Би хараад л сууж байдаг. Заримдаа би тоглодог ч ерөөсөө хождоггүй.
Би дараа нь ахтайгаа шатрын дугуйланд явж эхэлсэн. Дугуйланд очоод багштайгаа долоо хоногт нэг тоглодог. Тэр үед манай ах багшийг нэг удаа хожсон. Тэр үед би багшийг хожих юмсан гэж дотроо бодож, их хичээсэн. Сүүлдээ тэмцээнд орж, медаль авч урам зориг орсон доо. Нэг л мэдэхэд шатрын спортод маш их дуртай болсон.
-Шатар тоглож байхад хамгийн сайхан нь юу вэ?
-Шатар тоглоход нүүгээд л цагаа дардаг. Тэр цагны чимээнд би их дуртай.
Гэрэл зургуудыг А.Эрхэмбаяр
Энэтхэгийн Ченнай хотод дэлхийн шатрын 44-р олимпиадад амжилттай оролцсон Монголын шигшээ багийн тамирчид өнөөдөр эх орондоо ирлээ. 2022 оны долоодугаар сарын 26-наас наймдугаар сарын 10-ны хооронд зохион байгуулсан энэ тэмцээнд манай улсын эрэгтэй багийнхан дэлхийн 187 орны 188 багаас 35-р байр эзэлсэн бол эмэгтэй шигшээ багийнхан 160 орны 162 багаас 15 дугаар байрыг эзэлж, Монголын шатрын түүхэн дэх хамгийн өндөр амжилт үзүүллээ.
Монголын шатрын холбооны ерөнхийлөгч Э.Гурванбаатараар ахлуулсан С.Ган-од дасгалжуулагчтай эрэгтэй шигшээ баг, Ц.Батсайхан дасгалжуулагчтай эмэгтэй шигшээ багийнхнаа Хөшигийн хөндий дэх “Чингис хаан” нисэх буудалд Монголын шатарчид болон тамирчдын ар гэрийнхэн баяр хөөртэй угтав.
Шатрын спортын их мастер, Монголын эмэгтэй шигшээ багийн лидер тоглогчоор нэгдүгээр ширээнд өрсөлдсөн А.Энхтуулаас тэмцээний сэтгэгдлийг нь сонссон юм.
Тэрбээр, Монголын баг тамирчид маань амжилтаа багаараа шинэчлэн тогтоолоо. Олон улсын мастер Т.Мөнхзул дүү маань 3-р ширээндээ амжилттай тоглож, Их мастерын сүүлчийн нормоо биелүүлж Монголын долоо дахь эмэгтэй их мастер боллоо. Дэд мастер Б.Мөнгөнзул дүү маань дөрөвдүгээр ширээнд түрүүлж, Монголын эмэгтэй шатарчдаас анхны алтан медалийг авчирлаа. Миний хувьд нэгдүгээр ширээнд дэлхийн улс бүрийн шилдэг шатарчидтай тоглож, Топ-20 шатарчдад багтсан. Эрэгтэй, эмэгтэй тамирчдын маань аль аль нь хувийн амжилтаа ахиулж, Монголын шатарчид түүхэн амжилт гаргалаа.
-Тэмцээний үеэр Танд Франц улсын шигшээ багийн нэрийн өмнөөс тоглох урилга иржээ. Та ямар шийдвэр гаргах вэ?
-Франц улсын Филидор-Мулхаус мэргэжлийн шатрын клубээс Франц улс болон тус клубын нэрийн өмнөөс тоглох урилга ирсэн. Би шийдвэрээ нэлээд бодож байж гаргана. Есдүгээр сараас өмнө хариу өгөх ёстой гэлээ.
Т.МӨНХЗУЛ: ШАТАР БОЛ ӨӨРТЭЙГЭЭ Л ТЭМЦДЭГ, ӨӨРТЭЙГЭЭ АЖИЛЛАДАГ СПОРТ
Монголын шатрын үндэсний шигшээ багийн гишүүн "Кайсса" клубын тамирчин, Олон улсын мастер Төрмөнхийн Мөнхзул эмэгтэй Их мастер цолны гурав дахь болзлоо биелүүлснээр Эмэгтэй Их мастер цолны болзол хангасан. Т.Мөнхзулын дасгалжуулагчаар түүний аав Дэлхийн шатрын холбооны дасгалжуулагч Д.Төрмөнх ажилладаг. Т.Мөнхзул 2019 онд Ази тивийн аварга шалгаруулах тэмцээнээс Хүрэл медаль авсан бөгөөд энэ амжилт нь одоогийн байдлаар Монголын шатрын түүхэн дэх цорын ганц тивийн чанартай медаль юм. Их мастерийн болзол хангасан чамд баяр хүргэе.
Тэрбээр, Баярлалаа. Их мастерийн хоёр норм надад байсан. Сайн тоглоод Их мастер авъя гэсэн бодолтой байсан. Зорилгодоо хүрсэндээ баяртай байна.
-Шатар тоглохын сайхан нь юу вэ?
-Шатар бол өөртэйгээ л тэмцдэг, өөртэйгээ ажилладаг спорт гэж боддог. Сэтгэлзүйгээ удирдаж сурна. Шатар бол үнэхээр гоё. Тоглох хожил, хожигдол бүгд гоё.
-Аав охин хоёр шатрын спортын багш шавь болон хичээллэжээ. Хэдэн наснаасаа шатраар хичээллэж эхлэв?
-Миний дасгалжуулагч бол аав минь. Би таван наснаасаа эхлэн шатараар хичээллэсэн.
Б.МӨНГӨНЗУЛ: БАГАДАА ААВ, АХ ХОЁРЫНХОО ШАТАР ТОГЛОХЫГ ХАРЖ СУУСААР ШАТАРТ ДУРТАЙ БОЛСОН
Орхон аймгийн “Хангарьд” спорт клубын тамирчин Дэлхийн шатрын холбооны Дэд мастер 17 настай Б.Мөнгөнзул охин дөрөвдүгээр ширээнд түрүүлж, алтан медаль хүртсэн Монголын анхны эмэгтэй тамирчин болсон билээ.
-Дэлхийн шатрын олимпиадад анх удаа оролцож, Алтан медалийн эзэн болсон чамд баяр хүргэе. Тэмцээний сэтгэгдлээ хуваалцаач?
-Баярлалаа. Би эхлээд нэлээд сандарсан. Миний хувьд багийн тэмцээнд оролцож байсан боловч ийм чансаа өндөр том тэмцээнд багаараа оролцож үзээгүй учир эхний өрөгтөө маш их сандарсан. Сүүлдээ гайгүй болсон.
-Хэддүгээр өрөгийн ямар тоглолт хамгийн хэцүү байв?
-Миний хувьд нийт 11 өрөгөөс 10 тоглож, нэг хожигдож, нэг өнжсөн. Гуравдугаар өрөгөөс хойш хүндэрч эхэлсэн, яагаад гэвэл багаараа хожоод дээшээ гарч ирсэн учир. Ерөнхийдөө бүх өрөг хэцүү байсан даа. Дөрөвдүгээр өрөгт би Германы их мастертай тоглохдоо гараанаас эхлэн муу байрлал авч явсаар хожигдсон. Цаана нь олон өрөг байгаа учир энэ хожигдлоо мартах хэрэгтэй, ганц өөрийгөө биш багаа бодож тоглох ёстой гэж маш их хичээж тоглосон.
-Медалийн төлөө тоглох сүүлийн өрөг хүнд байв уу?
-Алтан медалийн төлөөх тоглолт гэдгээ аль болох бодохгүй, зөвхөн тоглолтдоо анхаарсан. Шатар тоглохдоо сэтгэлзүйн хувьд хамгийн тайван байж, чөлөөтэй сэтгэн бодож оновчтой нүүдлээ хийдэг.
Б.Мөнгөнзул: Шатар тоглохдоо сэтгэлзүйн хувьд хамгийн тайван байж, чөлөөтэй сэтгэн бодож оновчтой нүүдлээ хийдэг.
-Дараагийн тэмцээн нь хэзээ вэ?
-Есдүгээр сард болох өсвөрийн шатарчдын дэлхийн аварга шалгаруулах тэмцээнд оролцоно.
-Шатрын спортыг яагаад сонирхох болсон бэ? Цэцэрлэгт байхаасаа шатар тоглож эхэлсэн гэж сонссон.
-Би зургаан хүүхэдтэй айлын гурав дахь нь. Шатар тоглож эхлэхэд миний аав, ах хоёр их нөлөөлсөн. Бидний багад манай аав, ах хоёр гэртээ өдөр болгон шатар тоглодог байсан. Би хараад л сууж байдаг. Заримдаа би тоглодог ч ерөөсөө хождоггүй.
Би дараа нь ахтайгаа шатрын дугуйланд явж эхэлсэн. Дугуйланд очоод багштайгаа долоо хоногт нэг тоглодог. Тэр үед манай ах багшийг нэг удаа хожсон. Тэр үед би багшийг хожих юмсан гэж дотроо бодож, их хичээсэн. Сүүлдээ тэмцээнд орж, медаль авч урам зориг орсон доо. Нэг л мэдэхэд шатрын спортод маш их дуртай болсон.
-Шатар тоглож байхад хамгийн сайхан нь юу вэ?
-Шатар тоглоход нүүгээд л цагаа дардаг. Тэр цагны чимээнд би их дуртай.
Гэрэл зургуудыг А.Эрхэмбаяр