Импортын ачаанаас суларсан чингэлгүүд БНХАУ руу хоосон буцдаг. Тэгвэл чингэлгүүдийг нэг терминалд цуглуулан дотоодын нэмүү өртөг шингэсэн экспортын бараа бүтээгдэхүүн ачиж өнөөдөр анх удаа урд хөршийн төмөр замд хүлээлгэн өгөхөөр гарлаа.
Монгол Улсаас хоосон гардаг байсан их хэмжээний чингэлгүүдийг ачаатай болгосноор төмөр замын ашгийг нэмэгдүүлээд зогсохгүй бизнес эрхлэгчийг дэмжиж байгаа чухал хэрэг хэмээн онцолж УБТЗ-аас галт тэрэг үдэн гарах ёслолыг зохиолоо.
Ёслолд төмөр замын гавьяат, ахмад ажилчид болон Оросын талын төлөөллүүд оролцсон ба УБТЗ-ын Тээвэр зохион байгуулалтын алба үүссэний 70 жилийн ой тохиож байгаад баяр хүргэв.
Манай улсаас Хятадын Эрээн өртөөнд хоногт 1.5-2.5 хоосон галт тэрэг буюу жилд 65-70 мянган TEU хэмжээтэй чингэлгийг хүлээлгэж өгдөг. Манай улсад ирэх импортын ачааны 50 хувь нь чингэлгээр ирдэг. Тэдний 95-98 хувийг хоосон буцааж байв.
Ийнхүү ачаатай гаргаснаар УБТЗ-ын орлого 40.8-98.2 сая төгрөг болж 57.3 сая төгрөгөөр буюу 2.4 дахин нэмэгдэх ач холбогдолтой аж. Тус анхны галт тэрэгний 70 ширхэг чингэлэгт Амгалан өртөөний терминалд цугласан ноос, өөхөн тос, самар, хивэг, рапс зэрэг хөдөө аж ахуйн 2049 тн жинтэй барааг ачжээ.
УБТЗ-ын Тээвэр зохион байгуулалтын албаны дарга М.Цогт "Өөрийн өртгийн 34 хувиар зорчигчдоо тээвэрлэж байсан бол энэ өөрчлөлтийг хийснээр 48-50 хувь болж алдагдал буурч байна. Автобус 20 мянга, такси 30 мянган төгрөг байхад галт тэрэг 9000 төгрөг байгаа нь зардлаа ч нөхөхгүй, парк шинэчлэл хийхэд хүрэхгүй байсан.
УБТЗ-ын үйл ажиллагааг сайжруулахын тулд экспортын хэмжээгээ нэмэгдүүлэх хэрэгтэй. Экспорт нэмэхийн тулд гарцаа нэмэх ёстой. Өнгөрсөн жилд 48 сая тонн экспортын ачаа тээвэрлэх захиалга ирснээс цар тахлын улмаас 7.7 сая тонныг л гаргаж чадсан" гэх мэдээлэл өглөө.
Монгол Улс нэмүү өртөг шингэсэн бараа бүтээгдэхүүн экспортлогч болохын тулд хоосон чингэлгүүдийг ашиглах шаардлагатай. Уг хоосон чингэлгийн урсгалыг ашигласнаар дэлхийн олон оронд Чингэлгийн галт тэргээр ачаа бараа илгээх анхны замыг нээж байгаа аж.
Импортын ачаанаас суларсан чингэлгүүд БНХАУ руу хоосон буцдаг. Тэгвэл чингэлгүүдийг нэг терминалд цуглуулан дотоодын нэмүү өртөг шингэсэн экспортын бараа бүтээгдэхүүн ачиж өнөөдөр анх удаа урд хөршийн төмөр замд хүлээлгэн өгөхөөр гарлаа.
Монгол Улсаас хоосон гардаг байсан их хэмжээний чингэлгүүдийг ачаатай болгосноор төмөр замын ашгийг нэмэгдүүлээд зогсохгүй бизнес эрхлэгчийг дэмжиж байгаа чухал хэрэг хэмээн онцолж УБТЗ-аас галт тэрэг үдэн гарах ёслолыг зохиолоо.
Ёслолд төмөр замын гавьяат, ахмад ажилчид болон Оросын талын төлөөллүүд оролцсон ба УБТЗ-ын Тээвэр зохион байгуулалтын алба үүссэний 70 жилийн ой тохиож байгаад баяр хүргэв.
Манай улсаас Хятадын Эрээн өртөөнд хоногт 1.5-2.5 хоосон галт тэрэг буюу жилд 65-70 мянган TEU хэмжээтэй чингэлгийг хүлээлгэж өгдөг. Манай улсад ирэх импортын ачааны 50 хувь нь чингэлгээр ирдэг. Тэдний 95-98 хувийг хоосон буцааж байв.
Ийнхүү ачаатай гаргаснаар УБТЗ-ын орлого 40.8-98.2 сая төгрөг болж 57.3 сая төгрөгөөр буюу 2.4 дахин нэмэгдэх ач холбогдолтой аж. Тус анхны галт тэрэгний 70 ширхэг чингэлэгт Амгалан өртөөний терминалд цугласан ноос, өөхөн тос, самар, хивэг, рапс зэрэг хөдөө аж ахуйн 2049 тн жинтэй барааг ачжээ.
УБТЗ-ын Тээвэр зохион байгуулалтын албаны дарга М.Цогт "Өөрийн өртгийн 34 хувиар зорчигчдоо тээвэрлэж байсан бол энэ өөрчлөлтийг хийснээр 48-50 хувь болж алдагдал буурч байна. Автобус 20 мянга, такси 30 мянган төгрөг байхад галт тэрэг 9000 төгрөг байгаа нь зардлаа ч нөхөхгүй, парк шинэчлэл хийхэд хүрэхгүй байсан.
УБТЗ-ын үйл ажиллагааг сайжруулахын тулд экспортын хэмжээгээ нэмэгдүүлэх хэрэгтэй. Экспорт нэмэхийн тулд гарцаа нэмэх ёстой. Өнгөрсөн жилд 48 сая тонн экспортын ачаа тээвэрлэх захиалга ирснээс цар тахлын улмаас 7.7 сая тонныг л гаргаж чадсан" гэх мэдээлэл өглөө.
Монгол Улс нэмүү өртөг шингэсэн бараа бүтээгдэхүүн экспортлогч болохын тулд хоосон чингэлгүүдийг ашиглах шаардлагатай. Уг хоосон чингэлгийн урсгалыг ашигласнаар дэлхийн олон оронд Чингэлгийн галт тэргээр ачаа бараа илгээх анхны замыг нээж байгаа аж.