Аялал бол хайртай хүмүүстэйгээ гайхамшигтай дурсамжийг бүтээх боломж. Шинэ газар очиж, шинэ зүйлсийг туршиж үзэж байгалийн сайханд амарна гэдэг бол хүн бүрийн хамгийн их хүсдэг зүйл. Хил дамнаж, тив алгасан байж олон мянган км замыг туулж үзэх дэлхийн байгалийн гайхамшигтай тогтоц бүхий газруудтай ижил төстэй Монгол орны  үзэсгэлэнт газруудыг танилцуулж байна. 

Эдгээр газруудад Юнителийн сүлжээтэй учир дэлхийд гайхагддаг байгалийн өвөрмөц  тогтоцтой адил төсөөтэй газруудыг нүдээр үзэж хайртай дотны хүмүүстэйгээ дурсамж дүүрэн аяллын хором мөч бүхнээ газар дээрээс нь хуваалцаарай.

Дундговь Өлзийт сум, Цагаан суварга. Эрт цагийн далайн ёроолын шаварлаг хурдас он цагийн эрхэд эвдэрч эрэг ганга, мөргөцөг үүсгэсэн нь алсаас харахад цайран гэрэлтэх суварга мэт байдаг.

Grand Canyon National Park. Колорадо гол хадан уулын чулууг яран гүн хавцалаар олон сая жилийн турш урсаж ер бусын хэлбэр тогтоцыг үүсгэжээ.Энд 1450 метрийн өндөрт баригдсан U хэлбэртэй тавцан байрладаг.

Хэнтий аймаг Дадал сум, Онон - Балжир цогцолборт газар. Түүхэн дурсгалт олон газрууд байдгаас гадна улаан номд орсон 5, олон улсын улаан номд 2 зүйл амьтан энд амьдардаг.

Amazon river in  South America. 7 сая гаруй км хавтгай дөрвөлжин газрыг хамран орших дэлхийн хүчилтөрөгчийн гол нийлүүлэгч Амозон нь дэлхийн хамгийн том тропикийн ширэнгэн ой юм.

Өвөрхангай Уянга сум, Хүйсийн найман нуур. Ширээт, Халиут, Бугат, Хаяа, Хүйс, Мухар, Дөрөө, Баян-Уул хэмээн нэрлэгдсэн найман нуур хоорондоо газар доор усны судлаар холбогдсон байдаг.

Lake Tahoe in California. Өндөр боржин чулуун хадны хажуу тал, өндөр уулсын орой, мөн тунгалаг ус нь гайхамшигтай  үзэсгэлэнтэй харагдаж олон сая жуулчид ирэх шалтгаан болдог.

Хөвсгөл Баянзүрх сум, Бошлой хад. Монгол орны хэмжээнд байгалийн унаган төрхөө өдийг хүртэл хадгалсаар ирсэн эртний мөстлөгийн ул мөр бүхий дархан цаазат цөөн газруудын нэг билээ.

Merced River in Yosemite Valley. Гайхалтай боржин чулуун хад, хүрхрээ, тунгалаг устай гол мөрөн, секвоиадендрон төгөл, баялаг биологийн олон янз байдлаараа алдартай Yosemite Valley- д байрладаг.

Өмнөговь, Говь гурван сайхан Баруунсайхан, Дундсайхан, Зүүнсайхан хэмээх 3 том нуруунаас тогтдог. Гурвансайханы нурууны хамгийн өндөр нь Зүүнсайхан уул бөгөөд далайн түвшнээс дээш 2846 метр юм. Энэ ууланд алдарт Ёлын ам бий.

Death Valley National Park in Nevada. 3,000 хавтгай дөрвөлжин миль талбайтай бөгөөд хойд зүгээс урагшаа урсдаг. Энд ямар нэг оролцоогүйгээр хөдөлж байгаа чулуулгуудын харах боломжтой.

Завхан Эрдэнэхайрхан сум, Улаагчны хар нуур. Хойд талаараа элсэн манхнаар, урд талаараа зэгсээр хүрээлэгдсэн хосгүй үзэсгэлэнт газар юм. Гүн нь 48 метр, урт нь 30 км, өргөн нь 5-10 км байдаг бөгөөд нуурын голд д.т.д 2500 гаруй метр өргөгдсөн их бага гурван Авгаш арал байдаг нь нүүдлийн шувуудын үүр болдог

Badain Jaran Desert in China and Inner Mongolia. Талбай нь 47000 кв км бөгөөд Баяннуур, Жигдийн цохио нь дэлхийн хамгийн өндөр элсэн уул болсон байна. Элсэн цөлийн жилийн тунадасны хэмжээ нь 40 см хүрэхгүй боловч энэхүү элсэн цөл 100 гаруй нуур цөөрөмтэй юм.