УИХ-ын чуулганы нэгдсэн хуралдаан үргэлжилж байна. УИХ-ын чуулганы нэгдсэн хуралдаанаар Засгийн газрын 2024-2028 оны үйл ажиллагааны хөтөлбөрийг батлах асуудлыг хэлэлцэж байна. 

Хөдөлмөр, нийгмийн хамгааллын сайд Л.Энх-Амгалан:

-Монголын 212 мянган иргэн гадаадад ажиллаж, амьдарч байгаа гэсэн тоо бий. Гадаадад амьдарч байгаа иргэдээ эх оронд нь авчрах хэд, хэдэн зорилтууд тусгасан байгаа. Хүчээр авчрах биш ирэх хүчин зүйлийг л бий болгох гээд байна. Гадаадад оймсны үйлдвэрт ажиллаж байгаад эх орондоо буцаж ирээд оймсны үйлдвэр байгуулсан залуус бий. Тэднийг ЖДҮ-ийн зээлээр дэмжиж байгаа.

БНСУ-ын Элчин сайдтай уулзаж, Солонгосоос эх орондоо буцаж ирж байгаа залуусыг дэмжих Монгол, Солонгосын дундын сан байгуулах санал тавьсан, нааштай хүлээн авсан.