Мобиком Корпораци болон TEDxUlaanbaatar хамтран зохион байгуулсан “SMART” арга хэмжээ өнөөдөр /2024 оны аравдугаар сарын 25-нд/ боллоо.

Мобиком Корпораци ХХК-иас Тогтвортой хөгжлийн хүрээнд хэрэгжүүлдэг “Smart Education” төслийн хүрээнд орон нутаг, Улаанбаатарын сургуулиудад иж бүрэн дижитал танхим тохижуулан өгдөг юм. Энэ санаачилгын дүнд өнөөдөр Монгол орны өнцөг булан бүрд 27,000 сурагч өндөр хурдны интернэт, зөөврийн компьютер, VR төхөөрөмж, интерактив хичээл бүхий танхимд хичээллэж байна.

Амжилттай яваа уран бүтээлчид, эрхмүүд өөрийн амьдралын зарчим, асуудлыг яаж даван туулсан, мөрөөдөл рүүгээ хэрхэн тэмүүлж байгаа талаараа ярьж хүүхдүүдийн хүсэл, урам зоригийг бадраасан юм.

Төсөлд хамрагдсан сургуулиудын сурагчдын амьдралыг харуулсан баримтат гэрэл зургийн үзэсгэлэн, хүүхдүүдийн талархлын захидал зэргийг толилуулсан үзэсгэлэнг ч арга хэмжээний үеэр үзэх боломжтой байлаа.

Мобиком Корпораци ХХК-иас санаачлан хэрэгжүүлсэн “Smart Education IV” төслийн нээлтийг тохиолдуулан зохион байгуулсан энэхүү арга хэмжээнд ерөнхий боловсролын сургуулиудын 700 сурагч оролцсон юм.

Үүдэнд тавьсан VR төхөөрөмжүүдийн тусламжтайгаар хүүхдүүд өмнө нь харж байгаагүй ертөнцтэйгөө “танилцаж” байлаа. Тэд ид шидийн мэт “нүдний шил” зүүгээд далайд шумбан халим харж, Африкийн амьтдыг дэргэдээс нь үзэж, өндөр уулын орой дээрээс алсыг ширтэж технологийн гайхамшгийг мэдэрч байлаа.

Энэхүү арга хэмжээний эхэнд салбартаа амжилттай яваа уран бүтээлчид, эрхмүүд өөрийн амьдралын зарчим, асуудлыг яаж даван туулсан, мөрөөдөл рүүгээ хэрхэн тэмүүлж байгаа талаараа ярьж хүүхдүүдийн хүсэл, урам зоригийг бадраасан юм.

Тодруулбал, “Баавгай болохсон” киноны найруулагч П.Золжаргал өөрийгөө хуурахгүй, үнэнтэйгээ нүүр тулснаар байдлыг хэрхэн эергээр эргүүлж болдгийг,  Rokit Bay буюу продюсер О.Баярсайхан, хэр хурдтай, үр өгөөжтэйгөөр аливааг сэтгэж амжилттай байх талаар ярьсан бол дэлхийн 20 улсын 14 мянган км замыг туулсан дугуйтай аялагч Б.Очирваань мөрөөдөл биелдэг биш бид биелүүлдэг буюу хүсэл мөрөөдлийнхөө төлөө тууштай байснаар ямар гайхалтай үр дүн гарч болдог талаарх сонирхолтой илтгэлүүдээ хүргэж, урам зоригийн түүхээ хуваалцлаа.

“УРАМ ЗОРИГ ӨГЧ, МЭДЛЭГ НЭМЛЭЭ”

Нийслэлийн 79 дүгээр дунд сургуулийн 10-р ангийн сурагч Н.Ариунболд:
- Зочид өөрсдийнхөө туулсан амьдрал, туршлагаас сэдэвлэж бидэнд үнэтэй зөвлөгөө өгсөнд маш их талархаж байна. Тэд маш ойлгомжтой бөгөөд сургамжтай зүйлсийг ярьсан нь урам өгч, мэдлэг нэмлээ. Манай сургуулийн мэдээлэлзүйн ангийн компьюьтер, тоног төхөөрөмж хуучин, интернетгүй, ер нь сурах орчин маш тааруу байсан. Харин Мобиком Корпораци “Smart education” аяныхаа хүрээнд манай сургуулийн мэдээлэл зүйн ангийг тохижуулж өгснөөр бид хичээлээ урамтай үзэх болсон.

“БИД МОНГОЛ УЛСЫН ХҮҮХДҮҮДЭД ТЭГШ БОЛОВСРОЛ ОЛГОХЫГ ЗОРЬЖ БАЙНА”

Мобиком Корпорацийн Гүйцэтгэх захирал Кожи Курушима:
- Бид энэхүү SMART боловсролын хөтөлбөрийг дөрвөн дэх жилдээ хэрэгжүүлж байна. Энэ нь Монгол Улсын хүүхдүүдэд тэгш боловсрол олгохыг зорьж байгаа юм. Монгол бол том улс болохоор Улаанбаатар болон орон нутгийн хооронд маш их ялгаа бий. Гэхдээ хүүхэд бүр тэгш боломжийг олж авах тэгш эрхтэй. Боловсрол олгох боломжуудын нэг нь зай, цаг хугацааг даван туулж, дэлхийн ертөнцтэй холбогдох боломжийг олгож буй явдал юм. Ингэснээр хүсэл эрмэлзэлтэй болж илүү их суралцах боломжтой болно. Эхэндээ бид гар утас тараахаас эхэлсэн бол өдгөө хүүхдүүдэд илүү хүртээмжтэй болгохын тулд анги танхим байгуулах ажлыг эхлүүлээд байна. Ингэснээр хүүхэд ижил боломжтой болно. Бид энэхүү ажлыг бүрэн гүйцэд хэрэгжүүлэх хүртлээ үргэлжлүүлэхийг зорьж байна.

Өнөөдрийн SMART арга хэмжээ нь сурах үйл явц зөвхөн академик боловсролоор хязгаарлагдахгүй гэдгийг харуулж буй юм. Хүүхдүүд бодит туршлагатай хүмүүсээс суралцах боломжтой. Энэ бол амжилттай яваа хүмүүс тэдэнтэй туршлагаа хуваалцсанаар тэд өөрийн чадвараа нээж, мөрөөдөлдөө хүрэх боломжийг олгоход туслах болно.

“ХИЧЭЭЛИЙНХ ИДЭВХ НЭМЭГДСЭН, СУРЛАГЫН АМЖИЛТ АХИСАН БОДИТ ӨӨРЧЛӨЛТҮҮД ГАРЧ БАЙНА”

Мобиком Корпораци ХХК-ийн Группийн бизнес хариуцсан дэд захирал Б.Мөнхзориг:
- Өнөөдөр дэлхий даяар нэг тэрбум орчим хүн ямар нэгэн байдлаар технологи ашиглан сурч, хөгжиж байна гэсэн ЮНЕСКО-гийн судалгаа бий. Тогтвортой хөгжлийн дөрөвдүгээр зорилго буюу чанартай боловсролыг дэмжих, тэр дундаа боловсролын хүртээмжийг сайжруулах технологийн дэвшил чухал үүрэг гүйцэтгэх боломжтой. Мобиком Корпораци ХХК-ийн зүгээс боловсролын хүртээмжийг сайжруулах чиглэлд олон төсөл хөтөлбөр санаачлан хэрэгжүүлсний нэг нь “Smart Education” төсөл. Өөрөөр хэлбэл, технологийн дэвшлийг ашиглаад хүүхдийн амьдарч, сурч байгаа байршлаасаа үл хамаараад чанартай боловсролыг эзэмшихийг нь дэмжихэд энэ төслийн гол зорилго оршиж байгаа юм.

Бид Хөвсгөл, Булган, Дорноговь, Говь-Алтай зэрэг аймгууд, Улаанбаатар хотын алслагдсан байршлын зэрэг нийт 14 сургуульд иж бүрэн дижитал танхим тохижуулан хүлээлгэн өгөөд байна. Үүний үр дүнд хүүхдүүд зөвхөн технологийн дэвшилтэт орчинд суралцаад зогсохгүй, хичээлийнх нь идэвх оролцоо нэмэгдсэн, сурлагын амжилт ахисан зэрэг бодит өөрчлөлтүүд гарч байна.