Юнител групп “Ногоон байгаасай” хөтөлбөрийнхөө хүрээнд зэрлэг амьтдыг хамгаалж, амьдрах орчныг нь сайжруулах зорилгоор “Хөв” төслийг хэрэгжүүлдэг билээ.

Хөв цөөрөм нь зэрлэг амьтдын ундны найдвартай эх үүсвэр болохоос гадна ойр орчмынхоо агаарын хуурайшилтыг бууруулж, хөрсний чанарыг сайжруулснаар цөлжилтөөс сэргийлж, ургамал ургах таатай нөхцөлийг бүрдүүлэх зэрэг олон талын ач тустай. Тиймээс тэд уг төслийнхөө цар хүрээгээ улам өргөжүүлж БОУАӨЯ-тай хамтран энэ оны байдлаар нийт 80 гаруй байршилд хөв цөөрөм байгуулжээ.

Тэд уг цөөрмийнхөө үр нөлөөг хэмжихийн тулд зарим хөв цөөрмүүддээ камер байршуулсан бөгөөд уг камерт зэрлэг амьтад олноор ирж ундаалж байгаа нь бичигджээ.

Нэг хөв цөөрмийг байгуулахад ойролцоогоор 7-8 хүн гар нийлэн ажиллаж, зэрлэг амьтдын найдвартай ундны эх үүсвэрийг өөрсдийн гараар бүтээдэг байна. Байгаль дэлхийдээ тэр дундаа амьтдын сайн сайхны төлөө сэтгэл зүрхээ зориулж буй энэ цагийн “эгэл баатрууд” ямар сэтгэгдэлтэй байгааг сонирхуулъя.