МУГЖ дуучин Т.Баясгалангийн “Галт шувуу” хөрөг  нэвтрүүлгийг хүргэж байна.

Тэрбээр нэвтрүүлгийн үеэр “Би долоодугаар ангиасаа зах дээр юм зардаг байлаа. Даваа гарагт Оросын вагон тосно. Тухайн үеийн гоо сайхны бүтээгдэхүүнийг ээжийнхээ найзын бөөний төвөөс сарын эхэнд авч зардаг байв. Ажил хийх боломж олдоод байсан нь надад хэрэг болсон. Би боломжийг ерөөсөө алдаж үзээгүй. Тиймээс багаасаа ээждээ тусалж, амьжиргааны мөнгө өөрөө олж эхэлсэн. Ямар ч ажлыг голохгүй хичээдэг байсан.

Цэцэрлэгт байхдаа аавтайгаа нэг удаа уулзсанаа санадаг юм. 89-р цэцэрлэгийн хажуу талын байранд амьдардаг байхад гадаа хүүхдийн тоглоомын талбайд зогсож байсан нэг хүнийг ээж “Аав чинь байна” хэмээж байсан. Зураг нь номын завсар гэрт байдаг байсан.

Арван жилийн сургуулиа төгсөөд СУИС-д орох шийдвэрээ гаргачихсан байсан үедээ аавтайгаа хоёр дахь удаагаа уулзсан. Аав хэмээн дуудах гэтэл хэл хугарчих гээд амнаас үг гараагүй. Тэр өдөр “Аав аа” гэж хэлээгүй” хэмээн дурсамжаа хуваалцжээ.

БИЧЛЭГ: