Малчин Ц.Даваажав эхнэр Б.Хоролмаагийн хамт амьдарна. Тэд усаа худгаас “Амьжиргаа цагаан” машинаараа зөөдөг байсан ч эвдэрсэн тул суудлын автомашинаараа тээвэрлэж байна. Таван тугал нэг онгоц усанд ханачихдаг.

Нэг удаа онгоц дүүргэхэд 10-15 литр ус зарцуулна. Хэрэв тугал барахгүй орхивол ус онгоц дотроо хөлдчих тул уух усыг нь тааруулж гоожуулах ёстой. Хөдөөгийн малчид ундандаа хэрэглэхдээ ч, мал услахдаа ч усаа хайрлан, хэмнэхийг чухалчилна.

20 литрийн гурван саваар авсан 60 литр усыг ам бүл цөөн, хоёулхнаа тул тэд 7-14 хоног хэрэглэдэг. Арваннэгдүгээр сар гарсан тул удахгүй хотоос хүмүүс ирж бой хийнэ. Идэшний цагаар л их ус хэрэглэдэг тухай эхнэр Б.Хоролмаа ярив.