Автомашингүй өдрийг тохиолдуулан "Юнивишн"-ээс "Хамтдаа жаргалтай" гэр бүлийн өдөрлөгийг Явуухулан цэцэрлэгт хүрээлэнд амжилттай зохион байгууллаа.  

Тус өдөрлөгийг  Юнивишнийн хамт олон хоёр дахь жилдээ зохион байгуулж буй бөгөөд гэр бүлийн гишүүн бүрд зориулсан хөтөлбөртэй байсан нь онцлог байв. Баяр хөөр дүүрэн тус өдөрлөгөөр яг юу болж өнгөрснийг та бүхэнд танилцуулъя.

ОРЧИН:

Явуухулангийн цэцэрлэгт хүрээлэнг чамин, өнгөлөг хийцлэлээр чимэглэжээ. Үүдээр ороход ногоон, цагаан өнгийн маш олон хийлдэг бөмбөг байрлуулсан байх бөгөөд цаанаа л дулаахан мэдрэмж төрүүлж байв.  

Маш олон гэр бүл хүрэлцэн ирж, "аав аа, ээж ээ ямар гоё байна аа, алив зургаа авахуулъя" гэж хэлэх хүүхдүүдийн дуу  сонсогдон инээд хөөр, аз жаргалаар дүүрэн байгаа харагдана.  

Цааш явбал кино урлагийн баатруудыг тоглолтыг толилуулах тайзыг засжээ. Хажууханд нь хүүхэлдэйн кино үзэх том дэлгэц байв. Ногоон зүлгэн дээр тухтай, зөөлөн  суудалд суух нь сууж эсвэл хэвтсээр үзвэрээ үзнэ.  

Хүссэн хүүхэд бүр дуртай үлгэрийн баатруудтайгаа зургаа авахуулах хэсэг болон маскот өмссөн хүүхэлдэйн дүрүүдтэй зургаа даруулж байлаа.  

Цааш явбал зураачид  харшил өгөхгүй будгаар хүүхэд бүрийн нүүрэнд эрвээхий, цэцэг, үлгэрийн баатруудын зураг зурж өгнө.

Мөн бүтээлч хэсгийн асар байсан бөгөөд хүүхдүүд гар урлал хийнэ. Түүнчлэн тусгайлан зассан ханан дээр өнгийн будгаар хүссэнээрээ будацгаана. Хүүхдүүд аав, ээж, хайртай дотнын хүмүүстэйгээ хөгжөөнт тоглоом тоглож бэлэг авах боломжтой байсан ба амттан авах хэсэг ч байлаа.

Нэг өдрийг хамтдаа, жаргалтай хайр дүүрэн өнгөрүүлэх боломжийг Юнивишнийн хамт олон олгожээ.  

Бид өдөрлөгт оролцож байсан хүүхдүүдээс сэтгэгдлийг нь сонсоход М.Азжаргал “Би зургаан настай. Би аав, ээжтэйгээ ирсэн. Өнөөдөр унадаг дугуйтайгаа энд тэндгүй явж байгаа болохоор их жаргалтай байна. Гэхдээ олон юм үзээгүй байгаа ч сэтгэгдэл өндөр байна. Бас зөндөө олон тайз засаад гоё гоё үзвэр үзүүлж байгаад баярлалаа” гэлээ.  

5 настай Б. Намуун “Би аав, ээж, дүүтэйгээ хамт зөндөө гоё юм үзсэн. Бас зайрмаг авч идээд, тоглоом дээр тоглосон. Бас тоглолт үзээд маш сайхан санагдаж байна” гэсэн юм.

х.Аялгуу “Өнөөдөр үнэхээр гоё байлаа. Ээж, эгч, хоёр дүүтэйгээ энэхүү өдөрлөгт ирж тоглолт үзсэн. Том дэлгэцээр кино үзэж, дүү нар маань хөгжилтэй цагийг өнгөрүүлж байгаад баярлаж байна. Гоё өдөрлөг зохион байгуулсан   Юнивишнийн эгч ах нартаа баярлалаа” гэлээ.

Ирсэн хүүхэд бүрийн инээд цалгиж, аав ээж, хайртай дотнын хүмүүстэйгээ нэг өдрийг хамтдаа жаргалтай өнгөрүүлсэн өдөр болж,  Юнивишнийн баг хамт олон хайр, жаргал, дурсамж бэлэглэсэн юм.

БИЧЛЭГ: