Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
57
"Монгол тэмүүлэл" сургуулийн сурагчдын эцэг эхчүүд тус сургуулийг хууль ёсны байрнаас нь гаргах болсныг эсэргүүцэж Сүхбаатарын талбайд жагсаж байна. Тэд хотын захирагч С.Амарсайхан болоод Засгийн газарт хандан шаардлага хүргүүлж буй бөгөөд тус асуудлыг шийдвэрлэж өгөхгүй бол суулт хийж цаашлаад өлсгөлөн зарлана гэж мэдэгдлээ.
Төрийн өмчит "Монгол тэмүүлэл" лаборатори сургууль нь Баянзүрх дүүргийн 26-р хороонд байрлах одоогийн байрандаа 2017 оноос хойш үйл ажиллагаагаа явуулж ирсэн юм. Мөн 2017 онд байгуулагдсан ч өөрийн байргүй улмаас 133-р сургууль, "Монгол тэмүүлэл" сургуультай нэг байранд хичээллэдэг бөгөөд ачааллын улмаас сургууль 3-4 ээлжээр хичээллэж байгаа талаар бид өмнө мэдээлсэн. Тиймээс 133-р сургуулийн ачааллыг бууруулахын тулд "Монгол тэмүүлэл" сургуулийг 2019 оны арваннэгдүгээр сарын 2-ны дотор Худалдаа үйлдвэрийн их сургуулийн нэгдүгээр байранд төсвийн мөнгөөр засвар хийн нүүлгэхээр болсон юм.
Сургуулийн эцэг эхийн төлөөлөл "133-р сургуулийн ачааллыг бууруулах боломж байхад яагаад заавал төсвөөс мөнгө зарлагадаж манай сургуулийг өөрийнх нь байрнаас хөөх гээд байгааг ойлгохгүй байна. Тус байр нь манай сургуульд зориулсан лабораторитой, 2017 онд "Монгол тэмүүлэл"-д гэж эзэмшүүлсэн. Уг нь 133-р сургууль анх тус байранд өөрийн байр баригдтал байна гэж орсон.
Өдийг хүртэл хамт хичээллэж болсон байтал сонгууль дөхсөн энэ үед ашиг сонирхлын үүднээс манай сургуулийг булааж авах гэж байна гэсэн хардлага эцэг эхчүүдэд төрж буй. Манай хүүхдүүд ч гэсэн коридорт хичээллэж, багш нар нь өрөөгүй байна. 133-р сургууль ихэнх ангийг нь авснаас болж манайх 6-р ангиасаа элсэлт авч чадахгүй байна" гэв.
"Монгол тэмүүлэл" сургуулийн сурагчдын эцэг эхээс "133-р сургуулийн шинэ байр баригдтал нь хамт байх, эсвэл ЕБС-ийн ачааллыг бууруулах зорилготой хамран сургах тойргийг батлах журмын хавсралтад заасны дагуу 133-р сургуулийн зарим хүүхдийг 21, 33-р сургууль руу түр шилжүүлж болно" гэсэн саналыг дэвшүүлж буй юм.
"Монгол тэмүүлэл" сургууль нь 240 хүүхэдтэй бөгөөд Кембрижийн боловсрол олгодог лаборатори сургууль юм. Баянзүрх дүүргийн 26-р хороонд байрлах уг сургуулийн байрны 1, 2, 3 давхрын 15 ангид 133-р сургууль, 3, 4 давхрын 10 ангид "Монгол тэмүүлэл" сургууль хичээллэж байна.
"Монгол тэмүүлэл" сургуулийн сурагчдын эцэг эхчүүд тус сургуулийг хууль ёсны байрнаас нь гаргах болсныг эсэргүүцэж Сүхбаатарын талбайд жагсаж байна. Тэд хотын захирагч С.Амарсайхан болоод Засгийн газарт хандан шаардлага хүргүүлж буй бөгөөд тус асуудлыг шийдвэрлэж өгөхгүй бол суулт хийж цаашлаад өлсгөлөн зарлана гэж мэдэгдлээ.
Төрийн өмчит "Монгол тэмүүлэл" лаборатори сургууль нь Баянзүрх дүүргийн 26-р хороонд байрлах одоогийн байрандаа 2017 оноос хойш үйл ажиллагаагаа явуулж ирсэн юм. Мөн 2017 онд байгуулагдсан ч өөрийн байргүй улмаас 133-р сургууль, "Монгол тэмүүлэл" сургуультай нэг байранд хичээллэдэг бөгөөд ачааллын улмаас сургууль 3-4 ээлжээр хичээллэж байгаа талаар бид өмнө мэдээлсэн. Тиймээс 133-р сургуулийн ачааллыг бууруулахын тулд "Монгол тэмүүлэл" сургуулийг 2019 оны арваннэгдүгээр сарын 2-ны дотор Худалдаа үйлдвэрийн их сургуулийн нэгдүгээр байранд төсвийн мөнгөөр засвар хийн нүүлгэхээр болсон юм.
Сургуулийн эцэг эхийн төлөөлөл "133-р сургуулийн ачааллыг бууруулах боломж байхад яагаад заавал төсвөөс мөнгө зарлагадаж манай сургуулийг өөрийнх нь байрнаас хөөх гээд байгааг ойлгохгүй байна. Тус байр нь манай сургуульд зориулсан лабораторитой, 2017 онд "Монгол тэмүүлэл"-д гэж эзэмшүүлсэн. Уг нь 133-р сургууль анх тус байранд өөрийн байр баригдтал байна гэж орсон.
Өдийг хүртэл хамт хичээллэж болсон байтал сонгууль дөхсөн энэ үед ашиг сонирхлын үүднээс манай сургуулийг булааж авах гэж байна гэсэн хардлага эцэг эхчүүдэд төрж буй. Манай хүүхдүүд ч гэсэн коридорт хичээллэж, багш нар нь өрөөгүй байна. 133-р сургууль ихэнх ангийг нь авснаас болж манайх 6-р ангиасаа элсэлт авч чадахгүй байна" гэв.
"Монгол тэмүүлэл" сургуулийн сурагчдын эцэг эхээс "133-р сургуулийн шинэ байр баригдтал нь хамт байх, эсвэл ЕБС-ийн ачааллыг бууруулах зорилготой хамран сургах тойргийг батлах журмын хавсралтад заасны дагуу 133-р сургуулийн зарим хүүхдийг 21, 33-р сургууль руу түр шилжүүлж болно" гэсэн саналыг дэвшүүлж буй юм.
"Монгол тэмүүлэл" сургууль нь 240 хүүхэдтэй бөгөөд Кембрижийн боловсрол олгодог лаборатори сургууль юм. Баянзүрх дүүргийн 26-р хороонд байрлах уг сургуулийн байрны 1, 2, 3 давхрын 15 ангид 133-р сургууль, 3, 4 давхрын 10 ангид "Монгол тэмүүлэл" сургууль хичээллэж байна.
