• Aфрик тивийн аварга шалгаруулах тэмцээний финалын тоглолт боллоо
• Нигери 1-2 Кот д'Ивуар. Үзэх

Африкийн хөл бөмбөгийн холбооноос зохиодог тивийн аварга шалгаруулах тэмцээн "Africa Cup of Nations" буюу "AFCON 2023"-ын финалын тоглолт Кот д'Ивуарын "Alassane Ouattara" цэнгэлдэх хүрээлэнд боллоо.

Финалд 2015 оны AFCON-д түрүүлж байсан, талбайн эзэн Кот д'Ивуарчуудын эсрэг Африк тивийн гурван удаагийн аварга "Super eagles" хочит Нигери улсын шигшээ баг туллаа.

Тоглолтын эхний гоолыг 38 дахь минутад Уильям Трост-Эконг оруулж Нигери тэргүүлж эхэлсэн. Гэвч хоёрдугаар үед талбайн эздээс Фрэнк Кессиэ 62 дахь минутад тооны харьцааг тэнцүүлэв.

• Өмнөд Африкийн шигшээ баг Африкийн цомоос хүрэл медаль хүртлээ
• Африк тивийн аваргын төлөө Нигери, Кот д'Ивуарын шигшээ багууд тоглохоор боллоо
• Нигери, Ардчилсан Конго улсууд шөвгийн дөрөвт шалгарлаа

Улмаар сэргэлт авсан Кот д'Ивуарчуудаас 81 дэх минутад Себастиан Халлер гоолсоноор 1-2 харьцаагаар Кот д'Ивуар хожиж нутагтаа зохиосон тивийн аваргадаа түрүүллээ. Энэхүү түрүү тэдний гурав дахь нь болж AFCON-д гурван удаа түрүүлсэн тав дахь улс болов.

AFCON-д Египет улс хамгийн олон буюу 7 удаа түрүүлж байсан бол Камерун 5, Гана 4 удаа түрүүлсэн түүхтэй.

МЭРГЭН БУУЧИД:

1. Эмилио Нсүэ /Экваторын Гвиней/ - 5 гоол
2. Желсон Дала /Ангол/ - 4 гоол
3. Мостафа Мохамед /Египет/ - 4 гоол

ГООЛЫН ДАМЖУУЛАЛТААР ТЭРГҮҮЛЭГЧИД:

1. Фреди /Ангол/ - 3 дамжуулалт
2. Жоржес-Кевин Нкуду /Камерун/ - 3 дамжуулалт
3. Хосе Мачин /Экваторын Гвиней/ - 3 дамжуулалт
4. Садио Мане /Сенегал/ - 3 дамжуулалт

Тэмцээний шилдэг тоглогчоор Уильям Трост-Эконг тодорлоо.