Өнөөдрийн байдлаар Монгол эрчүүдийн дундаж наслалт 64.9, эмэгтэйчүүдийнх 74,3 байгаа билээ. Энэхүү үзүүлэлтийн зөрүү  9.7 жил байгаа нь дэлхийн дундаж үзүүлэлтээс даруй 2.5 дахин их байгаа юм. 

“Монос Хүнс” ХК  нь нийгмийн хэвшмэл ойлголтыг “ҮЛ СОНСОХ” шинэ хэв маяг буюу өөрийгөө хайрлан, эрүүл мэнддээ анхаарахыг эрэгтэйчүүдэд уриалах “ХЭНЭГТЭЙ МОНГОЛ ЭР ХҮН” нийгмийн нөлөөллийн аян эхлүүлээд байгаа бол тус аянд дараах байгууллагууд нэгдэж, хамтран ажиллахаа илэрхийллээ.

Дөрөвдүгээр эмнэлгийн ХХК-ийн гүйцэтгэх захирал Б.Золжаргал:
- Өнөөгийн нийгмийн нэг тулгамдсан асуудал болох эрэгтэйчүүдийн эрүүл мэндийн төлөө дуу хоолойгоо өргөж байгаа танай хамт олонд баярлалаа. “ХЭНЭГТЭЙ МОНГОЛ ЭР ХҮН” нийгмийн нөлөөллийн аяны хүрээнд ДӨРӨВДҮГЭЭР ЭМНЭЛЭГ ХХК нь хамтран ажиллах болсондоо таатай байна.

Бид энэхүү аяныг дэмжиж манай эмнэлгээр 3-р сарыг дуустал үйлчилгээ үзүүлж буй эрэгтэйчүүдэд 20%-аар, гэр бүлийн аль нэгэн эрэгтэй хүнийг дагуулж ирсэн эмэгтэйтэйчүүдэд эмчийн үзлэг, оношилгоо, шинжилгээ 10%-аар тус тус хөнгөлөлт үзүүлэн хамтран ажиллах боллоо.

Ард Тэтгэврийн Данс ХХК-ийн гүйцэтгэх захирал О.Амарболд:
Монголд эрэгтэйчүүд 60 насандаа тэтгэвэрт гардаг. Үүнээс ирээдүйгээ баталгаажуулах хүсэлтэй хэн бүхэнд, манай Ард тэтгэврийн дансанд хөрөнгө оруулалт хийх боломжийг мөн үүсгэсэн хуримтлалаа үр хүүхдэдээ 100 хувь өвлүүлж болдгоороо онцлогтой юм. Тогтмол өгөөжийг сонгож, тэтгэврийн дүнгээ өөрөө тодорхойлох боломжийг та бүхэнд санал болгоод байна.

Иймээс манай компани уг нийгмийн нөлөөллийн аянд 3 дугаар сарын 18 буюу Монгол цэргийн өдрөөс эхлэн 3 дугаар сарын 31-ний өдрийг хүртэлх зөвхөн “Ард Апп”-аар тэтгэврийн хуримтлалын дансандаа орлого хийсэн шинэ болон хуучин эрэгтэй харилцагч бүрд тухайн орлогын үнийн дүнгийн 5%-тай тэнцэх хэмжээний мөнгөн урамшуулал олгохоор болсон билээ.

Та бүхнийг тус аянд нэгдэхийг уриалж байна.