Эргэн сануулахад, хууль зүй дотоод хэргийн сайд О.Алтангэрэл өмнө нь холбогдох байгууллагуудад хохирогчийн хувийн эмзэг мэдээллийг задруулж, нэр төр, алдар хүндэд нь халдахгүй байх үүргийг өгч байсан билээ.

Тодруулбал, тэбрээр 2024 оны долоодугаар сарын 26-нд  Хууль зүй, дотоод хэргийн яамны Төрийн нарийн бичгийн дарга Н.Мягмар, Бодлогын хэрэгжилтийг зохицуулах газрын дарга Л.Нямгэрэл, бусад холбогдох газрын албан хаагчид болон Цагдаагийн ерөнхий газрын дэд дарга, цагдаагийн хурандаа Т.Ганзориг, Шүүхийн шийдвэр гүйцэтгэх ерөнхий газрын Тэргүүн дэд дарга бөгөөд Хорих ял эдлүүлэх албаны дарга, хурандаа А.Намсаманд, Шүүх шинжилгээний ерөнхий газрын Захиргаа удирдлагын газрын дарга, цагдаагийн хошууч Б.Амар нарын холбогдох албаны төлөөлөл оролцов.

Хууль зүй, дотоод хэргийн сайд О.Алтангэрэл талийгаачийн ар гэрийнхэнд гүн эмгэнэл илэрхийлж, тэдний санал гомдлыг сонсож, хууль сахиулах, шүүхийн шийдвэр гүйцэтгэх байгууллагад дараах үүрэг чиглэлийг өглөө. Үүнд:

1. Цагдаагийн байгууллага цаашид мэдээлэл хийхдээ аливаа төрлийн хохирогч, тэр дундаа амь хохирогчийн хувийн, эмзэг мэдээллийг задруулахгүй байж, нэр төр, алдар хүндэд нь халдахгүй байхад анхаарч, мэдээлэл хийх журам боловсруулж хэрэгжүүлэн ажиллах,
2. Шүүхийн шийдвэр гүйцэтгэх байгууллага амь хохирогчийн бие муу байхад гавласан гэх асуудлыг нягтлан шалгаж, яаралтай эргэн танилцуулах үүрэг, чиглэл өгөв.

/Дээрх уулзалт 461 дүгээр хорих ангид хэрэгт сэжиглэгдэн хоригдож байсан иргэн долоодугаар сарын 22-нд Шастины нэрэмжит III эмнэлэгт хүргэгдэн нас барсан хэргээс улбаатай юм. Албан бус эх сурвалжаар тухайн иргэн эмчлүүлж байхдаа гартаа гавтай байсан, эрүүдэн шүүгдсэн байж болзошгүй гэх мэт хүний эрхийн зөрчлүүдтэй байв/

Гэтэл Цагдаагийн байгууллагынхан сайдын анхааруулгыг умартан алдаагаа дахин давтаж, угаартаж нас барсан хохирогчид болон гэр бүлээсээ ганцаар амьд үлдсэн иргэний талаарх хувийн мэдээллийг нийтэд ил болголоо.

Цагдаагийн байгууллагаас хохирогчдын мэдээллийг задруулсан асуудлаар ХЗДХ-ийн сайд О.Алтангэрэл мэдээлэл хийж байна.

Тэрбээр 2025 оны нэгдүгээр сарын 23-нд эрдэнэт зургаан хүний амь нас хохирсонд эмгэнэл илэрхийлээд "Энэхүү хэрэг явдлын хохирогч болсон О.Одбаяр нь албаа үлгэр жишээ хааж, хамт олондоо бахархал болсон байлдагч юм. Хэрэгтэй холбогдуулан цагдаагийн байгууллага АТГ-тай хамтран мөрдөн шалгах үйл ажиллагаа явуулж байна. Ингэхдээ Тавантолгой түлш ХХК-тай холбоотой үе үеийн дарга нарт эрүүгийн хэрэг үүсгэж, байгуулсан гэрээнүүдийг шалгаж байна. 29 нэр төрлийн бодист мэргэжлийн байгууллагаас шалгаж байна.

Эдгээр албан тушаалтнууд, барьцалдуулагчтай холбоотойгоор хуулийн дагуу хариуцлага тооцно. Зөвхөн дээрх хохирогчид биш угаартаж амиа алдсан иргэдийн талаар ч авч хэлэлцэх болно.

Энэ бол зөвхөн нэг алба хаагчийн алдаа биш, цаашлаад ЦЕГ-ын удирдлагуудын түвшинд хариуцлага тооцно.

Өчигдөр иргэдийн хувийн эмзэг мэдээллийг агуулсан, хүн харахад цагдаагийн илтгэх хуудас хэлбэрээр бичигдсэн мэдээлэл 21:00 цаг орчимд цацагдсан. Энэ нь хүний хувийн мэдээлэл хамгаалах хуулийг ноцтой зөрсөн, Эрүүгийн хуулийн 11-р зүйлээр хариуцлага хүлээлгэх гэмт хэрэг юм. Хэрэв хувь хүний нууцыг задруулсан бол 5 хүртэлх жилээр хорих ялтай, хүндрүүлэх нөхцөлтэй байдаг. Энэ мэдээллийг албан шугамаар олж аваад цацсан бол гэмт хэрэг.

Энэ бол зөвхөн нэг алба хаагчийн алдаа биш, цаашлаад ЦЕГ-ын удирдлагуудын түвшинд хариуцлага тооцно. Өчигдөр шөнө яаралтай ажлын хэсэг байгуулагдсан. Энэ мэдээлэлд дурдсан зарим нь үнэнтэй нийцэхгүй ташаа мэдээлэл байсан. Өөрөөр хэлбэл нэг хэсэг нь цагдаад байхгүй мэдээлэл байсан ч, мөн цагдаад хадгалагдаж байсан ч мэдээлэл байна. Тэгэхээр зориудаар ташаа мэдээлэл түгээжээ. Хэн үүнийг хийв, цагдаагийн байгууллага илрүүлэхээр ажиллаж байна.

Мэдээлэл хийсэн байлдагчтай холбоотой олон нийтийн санаа зовнил байна. Хуулийн байгууллагаас түүнийг хамгаална, түүний эрхэд халдсан үйл ажиллагаа явуулахгүй гэсэн байр суурьтай байна.

Мөрдөн шалгах ажиллагааны явцад аливаа мэдээллийг задруулахгүй байх зорилгоор хохирогчдоор гарын үсэг зуруулдаг. Энэ нь хуулийн зохицуулалт. Харин мөрдөн шалгах ажиллагаанд холбоогүй мэдээллийг хохирогч ярих боломжгүй болгосон байвал энэ бол хууль зөрчсөн үйлдэл болно.