Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
38
Италийн өмнөд хэсгийн эрэг орчимд цагаачдыг тээвэрлэж явсан завь осолдож, 59 хүн амь үрэгдээд байна. Тэдний дунд хөхүүл хүүхэд ч байсан аж.
Тус улсын Калабриа мужийн зүүн эрэгт орших далайн эргийн амралтын газар болох Стекато ди Кутрогийн ойролцоо завь сүйрчээ. Италийн эрх баригчид эрэг дээр болон далайд эрэн хайх аврах ажиллагааг явуулж байна.
"Одоогоор 80 хүн авраад байна. Ялангуяа завь осолдсоны дараа эрэг рүү хүрч чадсан хүмүүсийг аварч чадсан" гэж эргийн хамгаалалтын мэдэгдэлд дурджээ.
100 гаруй хүн тээвэрлэж явсан завь эргийн ойролцоо зогсох гэж байгаад осолдсон гэх мэдээлэл байгаа аж. Гал сөнөөгчид болон бусад онцгой байдлын албаныхан моторт завь ашиглан эрэн хайх, аврах ажиллагааг явуулж байгаа ч цаг агаарын таагүй байдал эрлийн ажилд саад болж байна гэжээ.
"Ерөнхий сайд Жоржиа Мелони хүний наймаачдын гарт олон хүний амь нас эрсэдсэнд гүнээ харамсаж байгаагаа илэрхийлж байна" гэж мэдэгдэлд дурджээ
Италийн ANSA агентлаг далайн эргээс 27 хүний цогцос олдсон бөгөөд далайд ч олон цогцос харагдсан гэж мэдээлсэн байна. Adnkronos агентлагийн мэдээлснээр завинд Иран, Афганистан, Сомали, Пакистаны иргэд байжээ.
Италийн Ерөнхий сайд Жоржиа Мелони гүнээ харамсаж буйгаа илэрхийлж, энэ хэрэгт хүний наймаачдыг буруутгажээ. Түүний ажлын албаны мэдэгдэлд "Ерөнхий сайд Жоржиа Мелони хүний наймаачдын гарт олон хүний амь нас эрсэдсэнд гүнээ харамсаж байгаагаа илэрхийлж байна. "Тасалбарын" үнээр эрчүүд, эмэгтэйчүүд, хүүхдийн амь насыг худалдах нь хүнлэг бус үйлдэл юм. Тэд аюулгүй зорчино гэсэн худал хуурмагт итгэн төлбөрөө төлсөн" гэжээ.
Мөн тэрээр "Засгийн газар цагаачдын аялал болон түүнтэй адилтгах эмгэнэлт явдлаас урьдчилан сэргийлэхийг хичээж байгаа бөгөөд юун түрүүнд эдгээр хүмүүсийн ирсэн болон очиж байгаа улс орнуудтай хамтран ажиллахыг шаардах болно" гэж мэдэгдсэн байна.
Италийн Дотоод хэргийн сайд Маттео Пиантедоси "Энэ бол хууль бус цагаачлалын сувгуудын эсрэг эрс шийдэмгий арга хэмжээ авах зайлшгүй шаардлагатайг харуулсан асар том эмгэнэлт явдал" гэв. Тэрээр хүний наймаачид цагаачдад Европт үлгэр домог шиг сайхан амьдрал санал болгож, хүний амь насыг хохироож байна гэжээ.
Өнгөрсөн жил засгийн эрхэнд гарсан Мелонигийн засгийн газар цагаачдыг Италийн эрэгт нэвтрүүлэхгүй байхаа амлаж, хэд хоногийн өмнө далай тэнгисийн аврах журмыг чангатгах шинэ хууль баталсан байна.
Эх сурвалж: ВВС
Италийн өмнөд хэсгийн эрэг орчимд цагаачдыг тээвэрлэж явсан завь осолдож, 59 хүн амь үрэгдээд байна. Тэдний дунд хөхүүл хүүхэд ч байсан аж.
Тус улсын Калабриа мужийн зүүн эрэгт орших далайн эргийн амралтын газар болох Стекато ди Кутрогийн ойролцоо завь сүйрчээ. Италийн эрх баригчид эрэг дээр болон далайд эрэн хайх аврах ажиллагааг явуулж байна.
"Одоогоор 80 хүн авраад байна. Ялангуяа завь осолдсоны дараа эрэг рүү хүрч чадсан хүмүүсийг аварч чадсан" гэж эргийн хамгаалалтын мэдэгдэлд дурджээ.
100 гаруй хүн тээвэрлэж явсан завь эргийн ойролцоо зогсох гэж байгаад осолдсон гэх мэдээлэл байгаа аж. Гал сөнөөгчид болон бусад онцгой байдлын албаныхан моторт завь ашиглан эрэн хайх, аврах ажиллагааг явуулж байгаа ч цаг агаарын таагүй байдал эрлийн ажилд саад болж байна гэжээ.
"Ерөнхий сайд Жоржиа Мелони хүний наймаачдын гарт олон хүний амь нас эрсэдсэнд гүнээ харамсаж байгаагаа илэрхийлж байна" гэж мэдэгдэлд дурджээ
Италийн ANSA агентлаг далайн эргээс 27 хүний цогцос олдсон бөгөөд далайд ч олон цогцос харагдсан гэж мэдээлсэн байна. Adnkronos агентлагийн мэдээлснээр завинд Иран, Афганистан, Сомали, Пакистаны иргэд байжээ.
Италийн Ерөнхий сайд Жоржиа Мелони гүнээ харамсаж буйгаа илэрхийлж, энэ хэрэгт хүний наймаачдыг буруутгажээ. Түүний ажлын албаны мэдэгдэлд "Ерөнхий сайд Жоржиа Мелони хүний наймаачдын гарт олон хүний амь нас эрсэдсэнд гүнээ харамсаж байгаагаа илэрхийлж байна. "Тасалбарын" үнээр эрчүүд, эмэгтэйчүүд, хүүхдийн амь насыг худалдах нь хүнлэг бус үйлдэл юм. Тэд аюулгүй зорчино гэсэн худал хуурмагт итгэн төлбөрөө төлсөн" гэжээ.
Мөн тэрээр "Засгийн газар цагаачдын аялал болон түүнтэй адилтгах эмгэнэлт явдлаас урьдчилан сэргийлэхийг хичээж байгаа бөгөөд юун түрүүнд эдгээр хүмүүсийн ирсэн болон очиж байгаа улс орнуудтай хамтран ажиллахыг шаардах болно" гэж мэдэгдсэн байна.
Италийн Дотоод хэргийн сайд Маттео Пиантедоси "Энэ бол хууль бус цагаачлалын сувгуудын эсрэг эрс шийдэмгий арга хэмжээ авах зайлшгүй шаардлагатайг харуулсан асар том эмгэнэлт явдал" гэв. Тэрээр хүний наймаачид цагаачдад Европт үлгэр домог шиг сайхан амьдрал санал болгож, хүний амь насыг хохироож байна гэжээ.
Өнгөрсөн жил засгийн эрхэнд гарсан Мелонигийн засгийн газар цагаачдыг Италийн эрэгт нэвтрүүлэхгүй байхаа амлаж, хэд хоногийн өмнө далай тэнгисийн аврах журмыг чангатгах шинэ хууль баталсан байна.
Эх сурвалж: ВВС