Хэнтий аймгийн ирээдүйн хүний нөөцийг бэлтгэх, залуучуудынхаа сурч боловсрох боломжийг нэмэгдүүлэх зорилгоор “Нутгийн ирээдүй” хөтөлбөрийг хэрэгжүүлж байна. 

2026–2027 оны хичээлийн жилийн тэтгэлэгт хамрагдах оюутнуудтай гэрээ байгуулж, сургалтын төлбөрийн батламж гардууллаа. Энэ хичээлийн жилд тус хөтөлбөрийн хүрээнд нийт 11 оюутанд 46,573,900 төгрөгийн сургалтын төлбөрийн дэмжлэг үзүүлнэ.

Тэтгэлэгт хамрагдсан оюутнууд нь МУИС, МУБИС, АШУҮИС, ХААИС зэрэг их, дээд сургуульд анагаах ухаан, нүүр ам судлал, мал эмнэлэг, мал аж ахуй, биотехнологи, математик, байгалийн ухаан, боловсрол зэрэг орон нутагт шаардлагатай мэргэжлээр суралцаж байна.

Тэтгэлэгт хамрагдах 11 оюутан, Хэнтий аймгийн Засаг даргатай гэрээ байгуулж, гэрээг баталгаажуулан, оюутан бүрд сургалтын төлбөрийн батламжийг гардууллаа. Энэхүү гэрээгээр талуудын эрх, үүрэг, хариуцлагыг тодорхой болгож, оюутнуудыг сургуулиа амжилттай төгсөж, эзэмшсэн мэргэжлээрээ орон нутагтаа ажиллаж, амьдрахад дэмжлэг үзүүлнэ гэж тус аймаг мэдээлэв.