Стандарт, хэмжил зүйн газрын дарга Х.Батжаргал болон холбогдох мэргэжилтнүүд Олон улсын стандартчиллын байгууллага (ISO)-ын Тойрог эдийн засгийн стандартчиллын техникийн хорооны дарга Кэтрин Чэваучэг хүлээн авч уулзлаа.

Уулзалтын үеэр Монгол Улсад тойрог эдийн засгийн ISO 59000 цуврал стандартыг аж ахуйн нэгж, байгууллагын үйл ажиллагаанд нутагшуулах чиглэлээр хэрэгжүүлж буй төсөл, цаашид хэрэгжүүлэх ажлын талаар санал солилцов.

Олон улсын стандартчиллын байгууллагаас Тойрог эдийн засгийн ISO 59000 бүлэг стандартуудыг хөгжиж буй дөрвөн улс (Монгол, Непал, Индонез, Вьетнам) орны аж ахуй нэгж байгууллагад хэрэгжүүлэх төслийг 2025-2026 оны  хооронд хэрэгжүүлж байна. 

Стандарт, хэмжил зүйн газар, Олон улсын стандартчиллын байгууллага  ISO 59000, тойрог эдийн засаг үндэсний чуулганыг хамтран амжилттай зохион байгуулсан. Цаашид ISO 59000 багц стандартыг Монгол Улсын хүнс, хөдөө аж ахуйн, уул уурхайн, хүнд хөнгөн үйлдвэрүүдэд нэвтрүүлэхээр ажиллаж байна.

Олон улсад Тойрог эдийн засгийн цуврал  зургаан стандарт батлагдсан. Үүнд: 
• ISO 59004:2024, Үгийн сан, зарчим ба хэрэгжүүлэх заавар
• ISO 59010:2024,Тойрог эдийн засаг. Бизнесийн загвар болон үнэ цэнийн сүлжээний шилжилтийн удирдамж стандартуудыг үндэсний болгохоор ажиллаж байна.