Өчигдөр (2026.08.27) хичээл сургуулийн бэлтгэлтэй холбогдуулан Боловсролын яамнаас мэдээлэл хийсэн. 

Боловсролын яамны Ерөнхий боловсролын бодлогын газрын дарга Л.Ганбат "Элсэлтийн шалгалтын материал бэлдсэн, хянагч багшаар болон зохион байгуулалтад орж ажилласан багш нарын цалин хөлс олгогдохгүй байна гэсэн гомдол ирсэн. Боловсролын үнэлгээний төвөөс элсэлтийн шалгалтад нийт 3700 орчим багш, ажилтан ажилласан.

Тухайн багш ажилчдын цалин хөлс 100 хувь олгогдсон. Данс мэдээллийн зөрүүтэй 30 орчим хүний цалин хөлс олгогдоогүй байна гэсэн мэдээлэл бий. Мэдээллийг дахин нягталж тодруулаад энэ долоо хоногтоо багтаж олгохоор ажиллаж байна.

Гүйцэтгэлийн үнэлгээн дээр ажилласан багш нарын цалинг эхнээс нь эхлээд олгоод явж байна. Ирэх долоо хоног гэхэд 100 хувь олгож дуусна" гэсэн мэдээлэл өглөө. 

Эх сурвалж: Боловсролын яам