Эдгээр өдрүүдэд Халхын голын байлдааны ялалтын түүхт 87 жилийн ой тохиож байна.

“1939 оны Халхын голын байлдаанд оролцож явсан дайчдаас өнөөдөр ганцхан буурай амьд сэрүүн, энх тунх амьдарч байна. Энэ бол ахмад дайчин, Эрүүлийг хамгаалахын гавьяат ажилтан Ц.Чимэдцэрэн гуай юм. Харин 1945 оны Чөлөөлөх дайнд оролцсон ахмад дайчдаас 10 гаруй буурай бий” гэсэн мэдээллийг Дайн, энхийг дэмжих ажиллагаанд оролцогчдын хорооны ерөнхий нарийн бичгийн дарга, чөлөөнд байгаа хурандаа Г.Лүндэн өгсөн юм. 

Халх голын байлдаан нь туурга тусгаар шинэ Монгол Улсынхаа тусгаар тогтнолыг бататган, олон улсын хамтын нийгэмлэгт бүрэн эрхт байр сууриа бэхжүүлэхийн төлөө амь биеэ үл хайрлан тэмцсэн ахмад үеийнхний баатарлаг үйлсийн тод жишээ юм. Мөн Монголын ард түмний элгэн халуун эх оронч үзэл, эрэлхэг зориг, эв нэгдэл, тэсвэр хатуужлын жинхэнэ шалгуур болон түүхэнд мөнхөрсөн билээ.

Монгол Улс энэхүү ялалтын тэгш ой бүрийг улс орон даяар ёслол төгөлдөр тэмдэглэдэг уламжлалтай бөгөөд хамгийн сүүлд 2024 онд түүхт 85 жилийн ойг өргөн хүрээнд тэмдэглэн өнгөрүүлсэн.

Эх сурвалж: Монгол Улсын зэвсэгт хүчний хуурай цэргийн командлал