Булган аймагт "Зам тээврийн осол гарсан байна” гэх дуудлага мэдээлэл өчигдөр (2026.08.23) Цагдаагийн байгууллагад иржээ.

Дуудлага, мэдээллийг шалгахад Субару маркийн тээврийн хэрэгсэл жолоодож явсан жолооч урсгал сөрж, Бонго маркийн тээврийн хэрэгслийг мөргөжээ. 

Үүний улмаас тус тээврийн хэрэгслийн жолооч гэмтсэн бөгөөд хэргийг Булган аймгийн цагдаагийн газар шалгаж байна.

Судалгаагаар:

• 60 км/ц хурдтай явж буй автомашины зогсох нийт зай 36–40 метр байдаг байна. 
• 80 км/ц хурдтай үед энэ зай 55–60 метр болж нэмэгддэг.
• 100 км/ц хурдтай үед 80–90 метр хүрдэг байна. 

Хурд нэмэгдэх тусам зогсох зай хэд дахин өсдөг нь ослын эрсдэлийг нэмэгдүүлдэг талаар холбогдох байгууллага анхаарууллаа. 

Иймд жолооч та орон нутгийн замд зорчихдоо хурдаа тохируулан аюулгүй байдлаа хангаж, хориглосон нөхцөлд гүйцэж түрүүлэх үйлдэл хийхгүй байгаарай.

Эх сурвалж: Тээврийн Цагдаагийн Алба