ХСҮТ-ийн хавдрын сэргээн засах тасгийн хамт олон 2024-2026 онуудад олон улсын Ротари байгууллага, Хүрээ Ротари клубын 70 мянган долларын санхүүжилт дэмжлэгтэйгээр тоног төхөөрөмжийн шинэчлэл, шинэ технологийг нэвтрүүллээ.  

Энэхүү төслийн хүрээнд:

• Өндөр эрчимтэй лазер эмчилгээ (High Intensity Laser Therapy)
• Соронзон орон эмчилгээ (Magnetic therapy)
• Өндөр даралтат хүчилтөрөгчийн эмчилгээ (Hyperbaric Oxygen Therapy)-г нэвтрүүлж байна.

Эдгээр тоног төхөөрөмж нь жилд дунджаар 10000-12000 үйлчлүүлэгчдэд хавдрын эмчилгээний дараах сэргээн засах тусламж шаардлагатай өвчтөнд сэргээн засах тусламжийг үзүүлэх хүчин чадалтай. 

Хавдрын мэс засал, хими, туяа эмчилгээний дараа үүсэх эдийн гэмтэл, архаг шарх, мэдрэлийн гаралтай өвдөлт, булчингийн сулрал, хөдөлгөөний хязгаарлалт зэрэг хүндрэлүүд нь өвчтөний амьдралын чанарт ноцтой нөлөөлдөг.

Иймд эдгээр эмгэг жамд чиглэсэн сэргээн засах өндөр технологийн тоног төхөөрөмжийг нэвтрүүлсэн нь практик ач холбогдолтой аж.