Ерөнхий сайд Н.Учрал өчигдөр цаг үеийн асуудлаар мэдээлэл хийх үеэр эрчим хүчний үнэ тарифыг нэмэхгүй гэдгийг мэдэгдлээ.

Тэрбээр иргэдийн амьжиргаанд ирэх санхүүгийн дарамтыг нэмэгдүүлэхгүй байх үүднээс эрчим хүчний үнэ тарифыг нэмэхгүй байхаар 2026 оны төсвийн тодотголд тусгасан гэв.

Харин эрчим хүчний салбарт үүсэх зардлын зөрүүг нөхөхөд зориулж улсын төсөвт 107.3 тэрбум төгрөгийн татаас суулгахаар төлөвлөсөн байна.

Монгол Улс нэг киловатт цаг цахилгаан эрчим хүчийг дунджаар 330 төгрөгөөр үйлдвэрлэдэг боловч хэрэглэгчдэд 304 төгрөгөөр борлуулдаг аж.